سینے میں جلن سے بچنے کیلئے رات کا کھانا سونے سے کتنی دیر قبل کھالینا چاہیے؟

دنیا بھر میں کروڑوں افراد کو سینے میں جلن کا سامنا ہوتا ہے خاص طور پر سونے کے وقت یہ مسئلہ شدت اختیار کر جاتا ہے۔

سینے یا گلے میں جلن کے احساس کا دل سے کوئی تعلق نہیں ہوتا۔

درحقیقت یہ تکلیف معدے میں موجود تیزابی سیال اوپر آنے کے باعث ہوتی ہے جس سے غذائی نالی متاثر ہوتی ہے۔

یہ بہت عام طبی مسئلہ ہے جس کا سامنا ہر عمر کے افراد کو ہو سکتا ہے۔

ٹوائلٹ میں فون لے جانے کی عادت کے اثرات دنگ کر دیں گے

فون کو ٹوائلٹ میں لے جانے کا خیال ہی اچھا نہیں مگر پھر بھی متعدد افراد ایسا کرتے ہیں۔

سینے میں جلن کی متعدد وجوہات ہوسکتی ہیں مگر سونے سے کچھ دیر قبل کھانا اس مسئلے کا باعث بننے والی عام عادت ہے۔

طبی ماہرین کے مطابق رات کے کھانے کے وقت اور سینے میں جلن کی شکایت کے درمیان تعلق موجود ہے۔

مگر اچھی بات یہ ہے کہ اس سے بچنا زیادہ مشکل نہیں۔

ماہرین نے بتایا کہ سب سے اچھا تو یہ ہے کہ ہم خالی پیٹ بستر پر سونے کے لیے جائیں۔

ذیابیطس، امراض قلب، جگر کے امراض اور کینسر سے بچانے میں مددگار بہترین غذائیں

جب ورم دائمی شکل اختیار کرلے تو ذیابیطس، امراض قلب، الزائمر، جگر کے امراض اور کینسر کا خطرہ بڑھتا ہے۔

انہوں نے مزید بتایا کہ جب آپ کمر کے بل لیٹتے ہیں تو غذائی نالی میں موجود کھانا اوپر کی جانب جانے لگتا ہے جس سے سینے میں جلن محسوس ہوتی ہے۔

ان کا کہنا تھا کہ اس سے بچنے کے لیے ضروری ہے کہ رات کا کھانا سونے سے 3 سے 4 گھنٹے قبل کھایا جائے کیونکہ اتنے وقت میں غذا ہمارے معدے سے نکل جاتی ہے۔

درحقیقت کھانے اور سونے کے وقت کے درمیان جتنا زیادہ فاصلہ ہوگا، معدہ اتنا زیادہ خالی ہوگا۔

دوپہر کو 20 منٹ کی نیند سے دماغ پر کیا اثرات مرتب ہوتے ہیں؟

مختصر قیلولے سے متعدد دماغی افعال پر مثبت اثرات مرتب ہوتے ہیں۔

اسی طرح لیٹنے کے بعد بہتر ہوگا کہ بائیں پہلو کی کروٹ پر سونے کی کوشش کریں۔

اس کروٹ پر لیٹنے سے نظام ہاضمہ میں اس طرح کا خم آتا ہے جو معدے میں موجود تیزابیت کو سینے میں منتقل نہیں ہونے دیتا ہے۔

ایک تحقیق میں بتایا گیا کہ اس پوزیشن میں سونے سے غذائی نالی میں تیزابیت کی شرح میں 71 فیصد تک کمی آتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔