23 نومبر ، 2024 
پاکستان
مہنگائی، غربت کےخلاف اور مڈل کلاس نوجوانوں کے حق میں آواز اٹھاتا رہوں گا، ن لیگ اپنےکارندوں اوراجرتی غنڈوں کولگام دے: سابق لیگی رہنما— فوٹو:فائل
فون پر دھمکی ملی ہے، مجھے یا فیملی کو نقصان پہنچا تو ن لیگی قیادت ذمہ دار ہوگی: آصف کرمانی
23 نومبر ، 2024
سابق سینیٹرڈاکٹر آصف کرمانی نے کہا ہے کہ مجھے یا میری فیملی کونقصان پہنچا تو ن لیگ کی قیادت ذمہ دار ہوگی۔
اپنے بیان میں آصف کرمانی کا کہنا تھاکہ فون پردھمکی دی گئی ہے ن لیگ کےخلاف بیان دے کر اچھا نہیں کر رہا۔
انہوں نے کہا کہ مجھے یا میری فیملی کو نقصان پہنچا تو ن لیگ کی قیادت ذمہ دار ہوگی، دھمکی سے نہیں ڈرتا،قانونی چارہ جوئی کروں گا۔
ان کا کہنا تھاکہ مہنگائی، غربت کےخلاف اور مڈل کلاس نوجوانوں کے حق میں آواز اٹھاتا رہوں گا، ن لیگ اپنےکارندوں اوراجرتی غنڈوں کولگام دے۔
خیال رہے کہ سابق سینیٹر آصف کرمانی نے رواں سال جولائی میں ن لیگ چھوڑنےکا اعلان کیا تھا۔
