22 دسمبر ، 2024 
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان اور جنوبی افریقا کے درمیان ہونے والا تیسرا اور آخری ون ڈے میچ بارش سے متاثر ہونے کا خدشہ ہے۔
دونوں ٹیموں کے درمیان تین ایک روزہ میچز کی سیریز کا آج آخری میچ جوہانسبرگ میں شیڈول ہے جو پاکستانی وقت کے مطابق شام 5 بجے شروع ہونا ہے، لیکن شہر میں گزشتہ روز بارش کا سلسلہ جاری رہا۔
بارش کی وجہ سے قومی ٹیم نے گزشتہ روز انڈور ٹریننگ کی، اس وقت جوہانسبرگ میں سورج نکلا ہوا ہے مگر میچ کے اوقات کے دوران وقفے وقفے سے بارش کی پیشگوئی کی گئی ہے۔
یہاں یہ بات بھی قابلِ ذکر ہے کہ یہ میچ جنوبی افریقا کا سالانہ پنک ڈے میچ ہے، اس دن افریقی ٹیم گلابی رنگ کی جرسی (کٹ) میں کھیلتی ہے اور اس دن کو چھاتی کے سرطان کی آگاہی کے طور پر دیکھا جاتا ہے۔
واضح رہے پاکستان کو جنوبی افریقا کے خلاف سیریز میں 0-2 کی فیصلہ کن برتری حاصل ہے۔
مزید خبریں :
معروف میکسیکن ریسلر 66 برس کی عمر میں چل بسے
22 دسمبر ، 2024
فراڈ کیس میں سابق بھارتی کرکٹر کے وارنٹ گرفتاری جاری
22 دسمبر ، 2024
