31 دسمبر ، 2024 
چور انسٹا گرام انفلوئنسر کے گھر سے 3 ارب روپے مالیت کے زیورات لے اڑا
31 دسمبر ، 2024
انسٹا گرام میں سرگرم ایک انفلوئنسر کے گھر سے ایک کروڑ 40 لاکھ برطانوی پاؤنڈز (3 ارب پاکستانی روپے سے زائد) اور ڈیڑھ لاکھ پاؤنڈ (5 کروڑ روپے سے زائد) مالیت کے ڈیزائنر ہینڈ بیگز کو چوری کرلیا گیا۔
یہ واقعہ لندن میں پیش آیا جسے اس شہر کی چند بڑی چوریوں میں سے ایک قرار دیا جا رہا ہے۔
لندن کے علاقے Primrose Hill میں واقع گھر میں یہ چوری 7 دسمبر کو ہوئی تھی مگر اس حوالے سے تفصیلات اب سامنے آئی ہیں۔
Shafira Huang نامی انسٹا گرام کریٹیر کے گھر چوری ہوئی تھی جو کہ ایک آرٹ کلیکٹر بھی ہیں۔
چوری کے وقت وہ گھر پر موجود نہیں تھیں اور پولیس کے مطابق صرف ایک چور دوسری منزل کی کھڑکی سے گھر میں داخل ہوا۔
اس شخص کی عمر 25 سے 40 سال کے درمیان بتائی جا رہی ہے جس نے اپنا چہرہ چھپا رکھا تھا۔
اس چور نے وہاں سے ہیروں کے ہار، بریسلیٹ اور دیگر زیورات کو چوری کیا۔
مختلف رپورٹس کے مطابق یہ تمام زیورات Shafira Huang کے نہیں تھے بلکہ ان میں کچھ دیگر افراد کے بھی تھے۔
لندن پولیس کے مطابق چور ایک نامعلوم ہتھیار کے ساتھ گھر میں داخل ہوا اور ایک کروڑ 40 لاکھ پاؤنڈز کے زیورات چوری کرلیے۔
پولیس نے بتایا کہ یہ تمام زیورات اپنے ڈیزائن کے لحاظ سے منفرد تھے یعنی انہیں آسانی سے شناخت کیا جاسکتا ہے۔
Shafira Huang کی جانب سے انسٹا گرام پر کافی تصاویر شیئر کی جاتی ہیں جن میں پرتعیش طرز زندگی کا مظاہرہ کرتی ہیں۔
ان کی جانب سے چور کو پکڑنے میں مدد فراہم کرنے والے فرد کو 15 لاکھ پاؤنڈز انعام دینے کا اعلان بھی کیا گیا ہے۔
مزید خبریں :
لندن: 10 سالہ سارہ شریف کے قاتل باپ پر جیل میں حملہ
03 جنوری ، 2025
اسرائیلی فوج کے غزہ پر حملے جاری، مزید 50 سے زائد فلسطینی شہید
03 جنوری ، 2025
برطانیہ میں 3 روز کیلئے شدید برف باری کی وارننگ جاری کردی گئی
02 جنوری ، 2025
