ہڈیوں اور جوڑوں سمیت دل کو صحت مند رکھنے کے لیے بہترین غذا

2025 میں خود کو زیادہ صحت مند بنانا چاہتے ہیں تو ایک مخصوص غذا کا استعمال عادت بنالیں۔

بحیرہ روم کے خطے کے رہائشیوں کی غذا کو 2025 کے لیے بہترین صحت بخش غذا قرار دیا گیا ہے۔

یو ایس نیوز اینڈ ورلڈ رپورٹ کی جانب سے 2025 کے لیے بہترین غذاؤں کی فہرست جاری کی گئی اور مسلسل 8 ویں سال Mediterranean ڈائٹ کو بہترین قرار دیا گیا۔

اسپین، یونان، اٹلی اور فرانس جیسے ممالک کے شہریوں کی یہ عام غذا پھلوں، سبزیوں، اجناس، گریوں، مچھلی، زیتون کے تیل وغیرہ پر مشتمل ہوتی ہے (سرخ گوشت کا استعمال بہت کم کیا جاتا ہے)۔

وہ عام عادات جو دماغ کے لیے تباہ کن ثابت ہوتی ہیں

عمر بڑھنے کے ساتھ دماغی افعال کی رفتار سست ہو جاتی ہے جبکہ کچھ دماغی حصے سکڑ جاتے ہیں۔

رپورٹ کے مطابق یہ ذیابیطس سے تحفظ، ہڈیوں اور جوڑوں سمیت دل کو صحت مند رکھنے کے لیے بہترین غذا ہوتی ہے۔

38 غذائی پلان کو مدنظر رکھتے ہوئے اس غذا کو نمبرون قرار دیا گیا۔

دوسرے نمبر پر ڈیش ڈائٹ رہی جو بنیادی طور پر فشار خون سے مقابلے کے لیے بہترین سمجھی جاتی ہے۔

ڈیش ڈائٹ میں پھلوں، سبزیوں اور اناج کے ساتھ دودھ سے بنی کم چکنائی والی مصنوعات کا زیادہ استعمال کیا جاتا ہے۔

جگر کو امراض سے محفوظ رکھنے میں مددگار آسان اور بہترین طریقے

جگر پر چربی چڑھنا، ہیپاٹائٹس یا کینسر سمیت جگر کے امراض کی تعداد کافی زیادہ ہے۔

تیسرا نمبر Flexitarian ڈائٹ کے نام رہا۔

اس غذائی پلان میں میں پھلوں سبزیوں کا زیادہ استعمال کیا جاتا ہے مگر گوشت کو مکمل ترک نہیں کیا جاتا۔

چوتھا نمبر مائنڈ ڈائٹ کے حصے میں آیا جو Mediterranean اور ڈیش ڈائٹس کا امتزاج ہے۔

تو بحیرہ روم کے خطے کی غذا کئی برسوں سے بہترین کیوں قرار دی جارہی ہے؟ اس کی چند وجوہات درج ذیل ہیں۔

اس موسم کی سوغات کینو روزانہ کھانے کے بہترین فوائد جان لیں

موسم سرما کی اس سوغات میں متعدد ایسے غذائی اجزا موجود ہوتے ہیں جو صحت کے لیے مفید ہوتے ہیں۔

بھوک کو کنٹرول کرتی ہے

یہ غذا سست روی سے ہضم ہوتی ہے جس کے باعث پیٹ بھرنے کا احساس زیادہ وقت تک برقرار رہتا ہے۔

جسمانی وزن میں کمی

اگر آپ اس غذا کا استعمال عادت بنالیتے ہیں تو پیٹ بھرنے کا احساس زیادہ وقت تک برقرار رہتا ہے اور بے وقت کچھ کھانے کی ضرورت نہیں رہتی، اس کے نتیجے میں جسمانی وزن میں بتدریج کمی آتی ہے۔

ہارٹ اٹیک اور فالج سمیت امراض قلب سے محفوظ رکھنے والی آسان ترین عادت

ایک آسان جسمانی سرگرمی کو معمول بناکر آپ ہارٹ اٹیک اور فالج سمیت امراض قلب سے متاثر ہونے کا خطرہ نمایاں حد تک کم کرسکتے ہیں۔

دل کی صحت بھی بہتر ہوتی ہے

اس غذا میں شامل تمام چیزیں دل کی صحت کے لیے مفید ہوتی ہیں۔

زیتون کا تیل اور گریاں نقصان دہ کولیسٹرول کی سطح کم کرنے کے لیے فائدہ مند ہیں۔

پھلوں، سبزیوں اور بیجوں سے شریانوں کی صحت بہتر ہوتی ہے جبکہ مچھلی بلڈ پریشر کی سطح کم کرتی ہے۔

ان سب کے نتیجے میں امراض قلب میں مبتلا ہونے کا خطرہ کم ہوتا ہے۔

روزانہ کھائی جانے والی وہ چیز جو پیٹ پھولنے، موٹاپے، بلڈ پریشر اور گردوں کے امراض کا شکار بناسکتی ہے

غذا میں نمک کے زیادہ استعمال کے نتیجے میں دنیا بھر میں ہر سال لاکھوں اموات ہوتی ہیں۔

دماغی صحت

دل کے ساتھ ساتھ یہ غذا دماغ کے لیے بھی مفید ہے۔

نقصان دہ چکنائی اور پراسیس غذاؤں سے ورم کا خطرہ بڑھتا ہے جس سے دماغی تنزلی کا سامنا ہوتا ہے۔

اس کے مقابلے میں اینٹی آکسائیڈنٹس سے بھرپور یہ غذائی پلان عمر بڑھنے کے باوجود دماغی افعال کو درست رکھتا ہے۔

گردوں کے امراض کا شکار بنانے والی اہم ترین وجہ کے بارے میں جانتے ہیں؟

گردوں کے امراض کی چند عام اقسام میں گردوں کے دائمی امراض، انفیکشنز اور پتھری شامل ہیں۔

ذیابیطس اور بلڈ شوگر سے تحفظ

چونکہ اس غذا میں پھلوں، سبزیوں اور صحت کے لیے مفید چکنائی پر زیادہ توجہ دی جاتی ہے تو یہ بلڈ شوگر کو صحت مند سطح پر رکھنے کے لیے مفید ثابت ہوتی ہے۔

اس طرح ذیابیطس کے شکار ہونے کا خطرہ کم ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔