عاقب جاوید نے قومی ٹیم میں فہیم اشرف اور خوشدل شاہ کو شامل کرنےکی وجہ بتادی

پاکستان کرکٹ ٹیم کے عبوری ہیڈکوچ  عاقب  جاوید نے چیمپئنز ٹرافی کے اسکواڈ میں فہیم اشرف اور خوشدل شاہ کو شامل کرنے کی وجہ بتادی۔

لاہور میں پریس کانفرنس کرتے ہوئے  عاقب جاوید کا کہنا تھا کہ چیمپئنز ٹرافی سے پہلے تین ملکی سیریز معاون ثابت ہوگی، سینٹر  پچ  پر بیٹنگ کا موقع ملے تو پھر میچ سیناریو کا زیادہ فائدہ ہوتا ہے، نیٹس کے مقابلے میں میچ سیناریو  سے کھلاڑی زیادہ فائدہ اٹھاتے ہیں، آسٹریلیا میں سیزن کا آغاز تھا اور پچز مشکل تھیں۔

ان کا کہنا تھا کہ سفیان مقیم صرف ایک ون ڈے میچ کھیلے ہیں، ابرار احمد کے ہوتے ممکن نہیں کہ آپ دو اسپنرز کے ساتھ کھیلیں، پلیئنگ الیون میں ایک ہی اسپنر کھیلتا ہے، ہمیں فائدہ ہےکہ ہم پاکستان میں کھیل رہے ہیں، اگر کوئی انجری ہوتی ہے تو اسپنر کو تبدیل کرنے میں آسانی ہوتی ہے، ٹاپ 7 بیٹرز میں ہمارے پاس اسپنر کا آپشن ہوتا ہے۔

چیمپئنز ٹرافی کیلئے قومی ٹیم کا اعلان کردیا گیا

پی سی بی نے سہ فریقی سیریز اور چیمپئنز ٹرافی 2025 کے لیے قومی ٹیم کا اعلان کردیا۔

عاقب جاویدکا کہنا تھا کہ میرے خیال میں یہی ٹیم فائنل رہےگی، فہیم اشرف کو اس لیے شامل کیا کہ وہ پیس کے ساتھ بیٹنگ بھی کرتے ہیں، فہیم اشرف آل راؤنڈر آپشن کے لیے اچھے ہیں۔

انہوں نے کہا کہ کرکٹ بہت تیز ہو گئی ہے، ٹی ٹوئنٹی میں 200 رنز آسانی سے بنتے ہیں، ون ڈے میں 300 رنز ہوجاتے ہیں اور  ہونے بھی چاہئیں۔

عاقب جاوید نے مزید کہا کہ  عامر جمال پر بات ہوئی تھی وہ زیادہ ون ڈے نہیں کھیلے، خوشدل شاہ پر آسٹریلیا جانے سے پہلے بھی بات ہوئی ہے، ان کنڈیشنز میں خوشدل شاہ اچھا کھیلتے ہیں، صائم ایوب کی غیر موجودگی میں ہمیں خوشدل شاہ پر غور کرنا پڑا۔

ایک سوال پر پاکستان کرکٹ ٹیم کے عبوری ہیڈکوچ کا کہنا تھا کہ جسپریت بمراہ کی فکر بھارتی ٹیم کو ہونی چاہیے، بمراہ  بھارتی ٹیم کے لیے پلس پوائنٹ ہیں، چیمپئنز ٹرافی کی خوبصورتی یہی ہےکہ سب ٹیمیں یکساں ہوتی ہیں، ہر بندےکا حق ہےکہ وہ اپنی رائے دے۔

عاقب جاوید کا کہنا تھا کہ  ہم نے کمبی نیشن بنانے پر فوکس کیا اور ہم یہ نہیں دیکھتے کہ کون کتنے عرصے کے بعد آیا کون نہیں آیا ہم نے کمبی نیشن کو دیکھا، حسیب اللہ  ساؤتھ افریقا میں ان فٹ ہوئے، دوسرا وکٹ کیپر آپ کو کنکشن کی وجہ سے رکھنا پڑتا ہے۔

خوشدل اور فہیم واپس آئے جو کہیں سسٹم میں نظر نہیں آئے، راشد لطیف اور دیگر کا اسکواڈ پر تبصرہ

فہیم اشرف کہیں بھی نہیں تھے صرف یہ کہوں گا انہوں نے ایک تصویر کھنچوا کر چھپوائی تھی، جس کی وجہ سے وہ آگئے میں نام نہیں لوں گا: سکندر بخت

چیمپئنز ٹرافی میں ٹیم سلیکشن کی اندرونی کہانی سامنے آگئی

ٹیم میں واحد مسٹری اسپنر ابرار احمد کے ساتھ کسی مستند اسپنر کی جگہ خوشدل شاہ اور آل راؤنڈر فہیم اشرف کے انتخاب کو بھی آڑے ہاتھوں لیا جا رہا ہے