دن کا وہ کونسا وقت ہوتا ہے جب آپ سب سے زیادہ اچھا محسوس کرتے ہیں؟

کیا آپ کو معلوم ہے کہ دن کا کونسا وقت ایسا ہوتا ہے جب ہم بہت اچھا محسوس کرتے ہیں خاص طور پر دماغی طور پر؟

اس کا جواب ہے کہ صبح وہ وقت ہے جب ہم بہت زیادہ اچھا محسوس کرتے ہیں۔

یہ بات برطانیہ میں ہونے والی ایک طبی تحقیق میں سامنے آئی۔

لندن کالج یونیورسٹی کی اس تحقیق میں لگ بھگ 50 ہزار افراد کے ڈیٹا کا جائزہ لیا گیا جو مارچ 2020 سے مارچ 2022 کے دوران اکٹھا کیا گیا تھا۔

تمباکو نوشی سے ہمیشہ دور رہنے والوں میں پھیپھڑوں کا کینسر کیوں عام ہوتا جا رہا ہے؟

الیہ برسوں میں زیادہ تر ایسے افراد میں پھیپھڑوں کے کینسر کی تشخیص ہوئی ہے جو زندگی بھر تمباکو نوشی سے دور رہے ہیں۔

تحقیق میں دریافت کیا گیا کہ لوگوں کی جانب سے دن کے شروع میں بہتر دماغی صحت کو رپورٹ کیا جاتا ہے، یعنی ڈپریشن کی علامات کا اثر نہ ہونے کے برابر ہوتا ہے جبکہ خوشی، زندگی پر اطمینان اور اپنی اہمیت کا احساس زیادہ محسوس ہوتا ہے۔

یہ واضح رہے کہ تحقیق میں صبح کے وقت اور دماغی صحت میں بہتری کے درمیان تعلق دریافت کیا گیا مگر اس کی تصدیق کے لیے مزید تحقیق کی ضرورت ہے۔

محققین نے بتایا کہ دن کے مختلف اوقات لوگوں کی دماغی صحت اور شخصیت پر اثر انداز ہوتے ہیں۔

انہوں نے مزید بتایا کہ نتائج سے عندیہ ملتا ہے کہ صبح کے وقت ہمارا مزاج مستحکم ہوتا ہے جس دوران جذباتی اور دیگر معاملات کو نمٹانا آسان ہو جاتا ہے۔

موبائل فون کا استعمال کینسر کا خطرہ بڑھاتا ہے یا نہیں؟ نئی تحقیق کے نتائج سامنے آگئے

عالمی ادارہ صحت کے زیرتحت ہونے والی ایک تحقیق میں اس سوال کا جواب دیا گیا ہے۔

اس کے مقابلے میں دوپہر یا سہ پہر کے وقت جسم میں تناؤ بڑھانے والے ہارمون کورٹیسول کی سطح گھٹ جاتی ہے جس کے نتیجے میں ہمارا مزاج بھی متاثر ہوتا ہے یا یوں کہہ لیں کہ کسی حد تک چڑچڑا پن طاری ہو جاتا ہے جبکہ اس وقت فیصلے کرنا بھی مشکل ہوتا ہے۔

اسی طرح شام کا آغاز ذاتی جذبات کے تجزیے کے لیے ممکنہ طور پر بہترین ہوتا ہے جبکہ یہ وقت دوسروں کی گفتگو دھیان سے سننے کے لیے بھی بہترین ثابت ہوتا ہے۔

محققین کے مطابق اگرچہ دن بھر میں نفسیاتی تبدیلیاں آتی رہتی ہیں مگر مخصوص اوقات دماغی صحت کے لیے اہم ہوتے ہیں۔

انسانی دماغ میں پلاسٹک کے ننھے ذرات کی تعداد میں تیزی سے اضافہ ہو رہا ہے، تحقیق

تحقیق میں ان ذرات کو جگر اور گردوں کے نمونوں میں بھی دریافت کیا گیا۔

انہوں نے کہا کہ اگر آپ رات گئے تک جاگنے اور دوپہر میں اٹھنے کے عادی ہیں تو ضروری نہیں کہ اپنے طرز زندگی کو تبدیل کریں، کیونکہ رات گئے تک جاگنے والے افراد دماغی طور پر آدھی رات کو زیادہ بہتر محسوس کرتے ہیں۔

اس تحقیق کے نتائج جرنل بی ایم جے مینٹل ہیلتھ میں شائع ہوئے۔