19 فروری ، 2025 
عدالتی پالیسی سازی پر اپوزیشن کوبھی اعتماد میں لوں گا، چیف جسٹس کی وزیراعظم سے گفتگو
19 فروری ، 2025
چیف جسٹس آف پاکستان جسٹس یحییٰ آفریدی نے وزیراعظم شہباز شریف سے ملاقات میں کہا ہے کہ عدالتی پالیسی سازی پر اپوزیشن کوبھی اعتماد میں لوں گا، اپوزیشن سے بھی تجاویزلیں گے تاکہ اصلاحات غیرمتنازع اور پائیدارہوں
سپریم کورٹ اعلامیے کے مطابق چیف جسٹس کی دعوت پر وزیراعظم نے چیف جسٹس یحییٰ آفریدی سے ملاقات کی۔
اعلامیے میں کہا گیا ہے کہ ملاقات چیف جسٹس کے ریفارمز ایجنڈے کا حصہ ہے، چیف جسٹس نے عدالتی پالیسی سازکمیٹی اجلاس کا ایجنڈا بھیج کر تجاویز مانگی تھیں۔
چیف جسٹس نے وزیراعظم سے گفتگو میں کہا کہ عدالتی پالیسی سازی پر اپوزیشن کوبھی اعتماد میں لوں گا، اپوزیشن سے بھی تجاویزلیں گے تاکہ اصلاحات غیرمتنازع اور پائیدار ہوں۔
چیف جسٹس کی جانب سے وزیراعظم کو اعزازی شیلڈ بھی پیش کی گئی۔
