10 اپریل ، 2025 
دنیا
ہیوسٹن: امریکی حکام کا منی لانڈرنگ کے بڑے نیٹ ورک پر چھاپہ، ڈیڑھ کروڑ سے زائد ڈالرز برآمد
10 اپریل ، 2025
امریکی حکام نے ہیوسٹن میں غیرقانونی جوئے اور منی لانڈرنگ کے بڑے نیٹ ورک پر چھاپہ مار کر کروڑوں ڈالرز ، بینک اکاؤنٹس ،گاڑیاں اور اسلحہ قبضے میں لے لیا۔
غیر ملکی خبر رساں ادارے کے مطابق وفاقی حکام کی جانب سے امریکی شہر ہیوسٹن میں چھاپہ مارا گیا ہے۔
امریکی حکام نے کریک ڈاؤن کے دوران ایک کروڑ 60 لاکھ ڈالر سے زائد رقم، بینک اکاؤنٹس، جائیدادیں، قیمتی گھڑیاں، گاڑیاں اور اسلحہ قبضے میں لے لیا۔
دوسری جانب پاکستانی نژاد امریکی ماسٹر مائنڈ سمیت 16 افراد پر فرد جرم عائد کردی گئی ہے، مرکزی ملزم 61 برس کے نزار علی پر پولیس کو رشوت دینے کا بھی الزام ہے۔
مزید برآں 31 غیر قانونی تارکین وطن کو بھی حراست میں لے لیا گیا ہے۔
