13 مارچ ، 2013 
ویٹی کن میں نئے پوپ کا انتخاب نہ ہوسکا
13 مارچ ، 2013
ویٹی کن سٹی…ویٹی کن میں نئے پوپ کا انتخاب نہیں ہوسکا، آج دوبارہ خفیہ اجلاس میں ووٹنگ ہوگی۔ ویٹی کن کے سیسٹائن چیپل میں مقامی وقت کے مطابق صبح ساڑھے نو بجے ووٹنگ شروع ہوگی۔ نئے پوپ کے انتخاب کے لیے دنیا بھر سے تعلق رکھنے والے 115 کارڈینلز سسٹین چیپل میں موجود ہونگے ۔ اجلاس میں موجودکارڈینلز کا بیرونی دنیا سے کوئی رابطہ نہیں اور طریقہ کار کو شفاف بنانے کے لیے اندر موبائل سگنلز جام کرنے والے آلات بھی نصب ہیں۔ ووٹنگ کے بعدسسٹین چیپل کی چمنی سے اگر سفید دھواں نکلا تواس کا مطلب یہ ہوگا کہ پوپ کو منتخب کرلیا گیا ہے۔ چمنی سے اگرسیاہ دھواں نکلا تو اس کا مطلب ووٹنگ کا عمل اگلے روز دوبارہ ہوگا۔ کارڈینلز اس وقت تک ووٹنگ جاری رکھیں گے، جب تک پوپ کے لیے کسی بشپ کو دو تہائی اکثریت یعنی 77 کارڈینلز کی حمایت حاصل نہیں ہوجاتی، منگل کو ہونے والی ووٹنگ میں نئے پوپ کے بارے میں کوئی فیصلہ نہیں ہوسکا تھا۔
مزید خبریں :
