دنیا بھر میں کینسر جیسے مرض کی تیزی سے پھیلنے کی اہم وجہ دریافت

کینسر دنیا بھر میں تیزی سے پھیلنے والا ایسا مرض ہے جو ہر سال لاکھوں اموات کا باعث بنتا ہے۔

اب ماہرین نے کینسر کے بہت تیزی سے پھیلنے کی بڑی وجہ دریافت کی ہے اور وہ ہے موٹاپا۔

خاص طور پر جوان افراد میں تیزی سے پھیلنے والے آنتوں کے کینسر اور موٹاپے کے درمیان تعلق موجود ہے۔

یہ بات ایک نئی طبی تحقیق میں سامنے آئی۔

کیا یہ چنے کھانے سے صحت بہتر ہوتی ہے یا کن امراض سے بچنا ممکن ہوتا ہے؟

ایک کپ کے برابر چنے روزانہ کھانے سے بلڈ کولیسٹرول کو کنٹرول میں رکھنے میں مدد ملتی ہے۔

جرنل جاما نیٹ ورک اوپن میں شائع تحقیق میں بتایا گیا کہ موٹاپے سے مردوں میں آنتوں یا معدے سے جڑے کینسر کی مختلف اقسام سے متاثر ہونے کا خطرہ 25 فیصد تک بڑھ جاتا ہے۔

تحقیق میں بتایا گیا کہ درحقیقت پیٹ اور کمر کے گرد چربی کے اجتماع سے ہی کینسر کا خطرہ بڑھ جاتا ہے۔

عالمی ادارہ صحت کے مطابق دنیا بھر میں موٹاپے سے متاثر کی شرح میں 1975 سے 2023 کے دوران 3 گنا اضافہ ہوا اور 65 کروڑ سے زائد بالغ افراد موٹاپے کے شکار ہیں۔

جرنل کینسرز میں کچھ عرصے پہلے شائع ہونے والی ایک تحقیق میں بتایا گیا تھا کہ موٹاپے کے شکار افراد میں آنتوں کے کینسر کا خطرہ 30 سے 50 فیصد تک بڑھ جاتا ہے۔

ذیابیطس، ہارٹ اٹیک اور فالج جیسے جان لیوا امراض سے بچانے میں مددگار بہترین غذا

غذائی عادات میں چند تبدیلیاں لاکر آپ دل کو صحت مند رکھ سکتے ہیں۔

تحقیق کے مطابق اضافی چربی سے ٹشوز ورم بڑھانے والے پروٹینز کو زیادہ بنانے لگتے ہیں جبکہ انسولین کے افعال میں بھی تبدیلی آتی ہے جس سے آنتوں میں کینسر کی رسولی کی نشوونما تیز ہوتی ہے۔

2023 میں سوئیڈن کی Uppsala یونیورسٹی کی ایک تحقیق میں بتایا گیا کہ موٹاپے کے شکار افراد میں کینسر کا امکان زیادہ ہوتا ہے اور جسمانی وزن میں اضافے سے خواتین میں اس جان لیوا مرض کا خطرہ بہت زیادہ بڑھ جاتا ہے۔

واضح رہے کہ آنتوں کا کینسر دنیا میں سرطان کی تیسری سب سے عام قسم ہے اور دنیا بھر میں اس کے کیسز کی شرح میں تیزی سے اضافہ ہوا ہے۔

2024 میں آئرلینڈ کی کورک کالج یونیورسٹی ایک تحقیق میں بتایا گیا تھا کہ فاسٹ یا جنک فوڈ کے زیادہ استعمال سے آنتوں کے کینسر سے متاثر ہونے کا خطرہ بڑھتا ہے۔

موجودہ عہد میں بیشتر افراد کی پسندیدہ وہ غذا جو قبل از وقت موت کا خطرہ بڑھاتی ہے

الٹرا پراسیس غذاؤں کے زیادہ استعمال اور کسی بھی وجہ سے قبل از وقت موت کے درمیان تعلق موجود ہے۔

تحقیق کے مطابق فاسٹ فوڈ میں چکنائی اور چینی کی مقدار زیادہ ہوتی ہے جس سے آنتوں کے امراض اور کینسر کا خطرہ بڑھ جاتا ہے۔

اس کے مقابلے میں پھلوں اور سبزیوں پر مشتمل غذا کے استعمال سے آمراض قلب، آنتوں کے امراض اور ذیابیطس ٹائپ 2 جیسے امراض کا خطرہ گھٹ جاتا ہے۔

محققین نے بتایا کہ نتائج سے واضح ہوتا ہے کہ غذائیں معدے میں موجود بیکٹریا پر اثر انداز ہوتی ہیں اور صحت بخش غذاؤں کے استعمال اچھی صحت اور امراض سے تحفظ کے لیے ضروری ہے۔

اس تحقیق کے نتائج جرنل نیچر ریویوز مائیکرو بائیو لوجی میں شائع ہوئے۔