5 علامات جن کو کبھی نظر انداز نہیں کرنا چاہیے

اکثر جسمانی تکلیف یا درد پر فکرمند ہونے کی ضرورت نہیں ہوتی۔

مگر کچھ علامات ایسی ہیں جن کو کبھی بھی نظر انداز نہیں کرنا چاہیے۔

درحقیقت جب ان کا سامنا ہو تو ڈاکٹر سے رجوع کرنا چاہیے۔

تو ایسی علامات کے بارے میں جانیں جن کو کبھی نظر انداز نہیں کرنا چاہیے۔

وہ 14 حیرت انگیز عادات جو آپ کو جلد بوڑھا بنا دیتی ہیں

روزمرہ کی زندگی کی عادات اور ہمارے انتخاب قبل از وقت بڑھاپے کا شکار بنانے میں زیادہ نمایاں کردار ادا کرنے والے عناصر ہیں۔

بازوؤں اور ٹانگوں میں کمزوری کا احساس

اگر ٹانگ، بازو یا چہرے پر اچانک سن ہونے یا کمزوری کا احساس ہو رہا ہے تو یہ فالج کی علامت ہوسکتی ہے، خاص طور پر اس وقت اگر ایسا جسم کے صرف ایک حصے میں محسوس ہو۔

شدید سر درد، بولنے میں مسائل، بینائی دھندلانا، سر چکرانے، جسمانی توازن برقرار رکھنے میں مشکل یا چلنے مشکل ہو جانا بھی فالج کی دیگر علامات ہیں۔

اگر آپ ہائی بلڈ پریشر یا دل کی دھڑکن کی بے ترتیبی کے شکار ہیں اور ان علامات کا سامنا ہو تو ان کے تھمنے کا انتظار مت کریں بلکہ فوری طبی امداد کے لیے رجوع کریں۔

آلو بخارے کھانے سے صحت پر مرتب ہونے والے 11 اثرات

یہ پھل نہ صرف ذائقے دار اور صحت بخش ہوتا ہے بلکہ اسے خشک کرکے بھی کھایا جاتا ہے۔

سینے میں تکلیف

سینے میں تکلیف کی کئی وجوہات ہوسکتی ہیں مگر جب ایسی تکلیف محسوس ہو جیسے کسی نے چھری گھونپ دی ہے تو یہ سنگین مسئلے کی علامت ہوسکتی ہے۔

سینے میں تکلیف یا دباؤ ہارٹ اٹیک یا امراض قلب کی علامت ہوتی ہے۔

ایسے افراد کو سینے میں جلن کا احساس بھی ہوتا ہے جبکہ کئی بار ایک یا دونوں بازوؤں میں شدید گرم لہر دوڑتی ہوئی محسوس ہوتی ہے جو گردن، کندھوں اور جبڑوں کی جانب جاتی ہے۔

صحت مند افراد کے لیے روزانہ کتنے آم کھانا بہتر ہوتا ہے؟

آموں کا ذائقہ ہی بہترین نہیں ہوتا بلکہ یہ پھل صحت کے لیے بھی بہت زیادہ مفید ثابت ہوتا ہے۔

اکثر سینے میں تکلیف کا دل سے کوئی تعلق نہیں ہوتا بلکہ ایسا تیزابیت یا نظام ہاضمہ کے دیگر مسائل کی وجہ سے ہوتا ہے مگر پھر بھی اس کے رکنے کا انتظار مت کریں بلکہ ڈاکٹر سے رجوع کریں خصوصاً جب کوئی وجہ سمجھ میں نہ آئے یا ایسا اچانک ہو۔

پیشاب میں خون نظر آنا

خون میں پیشاب نظر آنے کی متعدد وجوہات ہوسکتی ہیں۔

گردوں میں پتھری کے باعث بھی پیشاب کی رنگت گلابی یا سرخی مائل ہوسکتی ہے جس کے ساتھ پہلو یا کمر میں شدید تکلیف بھی ہوتی ہے۔

آخر کچھ افراد کو بہت زیادہ پسینہ کیوں آتا ہے؟

جب جسم ٹھنڈا ہو جاتا ہے تو پسینہ بہنا رک جاتا ہے، تاہم کچھ افراد ایسے ہوتے ہیں جن کا پسینہ مسلسل بہت زیادہ مقدار میں بہتا ہے۔

اگر پیشاب میں خون نظر آتا ہے اور معمول سے زیادہ پیشاب آ رہا ہے یا جلن کا احساس ہوتا ہے تو یہ پیشاب کی نالی میں انفیکشن کی جانب اشارہ ہوسکتا ہے۔

اس مسئلے کا علاج نہ کرایا جائے تو گردوں کو نقصان پہنچ سکتا ہے۔

خرخراہٹ

اگر سانس لیتے ہوئے خرخراہٹ جیسی آواز نکلتی ہے تو ڈاکٹر سے رجوع کرنا چاہیے۔

گرم موسم میں روزانہ کتنا پانی پینا ضروری ہے؟

تھکاوٹ، بلڈ پریشر میں اضافے اور دیگر مسائل سے بچنے کے لیے مناسب مقدار میں پانی پینا ضروری ہے۔

یہ دمہ، پھیپھڑوں کے کسی مرض، شدید الرجی ری ایکشن یا کیمیکلز سے متاثر ہونے کی علامت ہوسکتی ہے۔

ٹانگ کے نچلے حصے میں درد

یہ درد ٹانگ میں بلڈ کلاٹ کی نشانی ہوسکتا ہے، جسے deep vein thrombosis (ڈی وی ٹی) کہا جاتا ہے۔

اگر یہ بلڈ کلاٹ ہے تو تکلیف کے ساتھ متاثرہ حصہ سوج بھی جاتا ہے جبکہ جِلد گرم محسوس ہونے لگتی ہے یا سرخ ہو جاتی ہے۔

جان لیوا امراض قلب کو آپ سے دور رکھنے میں مددگار 9 آسان عادات

حالیہ برسوں میں جوان افراد میں دل کے امراض کی شرح میں حیران کن اضافہ ہوا ہے۔

ویسے بہت زیادہ دیر تک ایک پوزیشن میں بیٹھے رہنے سے بھی اس تکلیف کا سامنا ہوسکتا ہے جبکہ تمباکو نوشی اور حمل کے دوران بھی ایسا ہوسکتا ہے۔

مگر ڈی وی ٹی ایک سنگین مسئلہ ہے کیونکہ اس سے پھیپھڑوں کے لیے خون کا بہاؤ بلاک ہوسکتا ہے، ایسا بلڈ کلاٹ کے خون کے بہاؤ کے ذریعے سفر کے باعث ہوتا ہے جو کہ جان لیوا مرض ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔