آخر کچھ افراد کو بہت زیادہ پسینہ کیوں آتا ہے؟

موسم گرم ہو تو پسینہ تو ہر فرد کا بہتا ہے کیونکہ یہ جسم کا خود کو ٹھنڈا رکھنے کے نظام کا حصہ ہے۔

گرم موسم، ورزش، زیادہ مرچوں والی غذا، تناؤ اور دیگر متعدد وجوہات کے باعث پسینے کا اخراج ہوتا ہے۔

مگر جب جسم ٹھنڈا ہو جاتا ہے تو پسینہ بہنا رک جاتا ہے، تاہم کچھ افراد ایسے ہوتے ہیں جن کا پسینہ مسلسل بہت زیادہ مقدار میں بہتا ہے۔

اس کے لیے طبی زبان میں hyperhidrosis کی اصطلاح استعمال کی جاتی ہے۔

گرم موسم میں اس مشروب کے استعمال کے فوائد ضرور پسند آئیں گے

بیشتر افراد کو سادہ پانی کا ذائقہ پسند نہیں ہوتا جس کے باعث وہ دن بھر میں مناسب مقدار میں پانی پینے سے گریز کرتے ہیں۔

عموماً ہر وقت پسینے کا اخراج کوئی خاص بڑا طبی مسئلہ نہیں ہوتا مگر اس سے روزمرہ کی زندگی ضرور متاثر ہو سکتی ہے۔

تو آخر کچھ افراد کو بہت زیادہ پسینہ کیوں آتا ہے؟

اس کا جواب سادہ نہیں بلکہ مختلف چیزوں کو دیکھنے کی ضرورت ہوتی ہے۔

اگر آپ کو بہت زیادہ پسینہ آتا ہے تو اس سے روزمرہ کی زندگی میں جذباتی اور جسمانی مسائل کا سامنا ہو سکتا ہے۔

روزانہ ایک آڑو کھانے سے صحت پر کیا اثرات مرتب ہوتے ہیں؟

روزانہ صرف ایک آڑو کھانے سے بھی آپ اپنی صحت کو متعدد فوائد پہنچا سکتے ہیں۔

بہت زیادہ پسینے کے اخراج کی 2 اقسام ہوتی ہیں، ایک پرائمری hyperhidrosis جس کی کوئی واضح طبی وجہ نہیں ہوتی۔

دوسری قسم سیکنڈری hyperhidrosis ہے، جو کسی بیماری جیسے ذیابیطس، ہارمونز میں آنے والی تبدیلیوں یا ادویات کے استعمال کا نتیجہ ہوتی ہے۔

اس مسئلے کی چند وجوہات کی تفصیل درج ذیل ہے۔

پرائمری hyperhidrosis

اگر آپ کو کوئی بیماری نہیں اور پھر بھی بہت زیادہ پسینے کا اخراج ہو رہا ہے تو اسے پرائمری hyperhidrosis کہا جاتا ہے۔

جسم میں پانی کی کمی کا اشارہ دینے والی عام نشانیاں

عموماً پانی کی کمی کا عندیہ پیاس کے احساس سے ہوتا ہے مگر کئی بار دیگر نشانیاں بھی سامنے آتی ہیں۔

اس کے شکار افراد کے بغلوں، چہرے، ہتھیلی اور ایڑی جیسے حصوں میں بہت زیادہ پسینہ بہتا ہے۔

درحقیقت کم گرمی میں بھی بہت زیادہ پسینہ خارج ہوتا ہے اور بہت زیادہ وقت تک برقرار رہتا ہے۔

کئی بار تو گرمی یا کسی جسمانی سرگرمی کے بغیر ہی پسینہ بہنے لگتا ہے جو پسینہ بنانے والے غدود کے بہت زیادہ متحرک ہونے کا نتیجہ ہوتا ہے۔

یہ کوئی پریشان کرنے والا مسئلہ نہیں ہوتا، البتہ روزمرہ کی زندگی ضرور متاثر ہو سکتی ہے۔

ہارمونز میں تبدیلیاں

درمیانی عمر کی خواتین میں جب ایسٹروجن نامی ہارمون کی سطح کم ہوتی ہے تو دماغ کے اس حصے کے لیے کام کرنا مشکل ہوجاتا ہے جو درجہ حرارت کو کنٹرول کرتا ہے۔

نیند کس طرح ہماری ذہنی صحت پر اثرات مرتب کرتی ہے؟

روزمرہ کی مصروفیات کے باعث اکثر افراد نیند پوری نہیں کر پاتے، یہی وجہ ہے کہ دنیا بھر میں کروڑوں افراد بے خوابی کے شکار ہوتے ہیں۔

اس کے نتیجے میں خواتین کو بہت زیادہ پسینے کا سامنا ہوتا ہے کیونکہ دماغ کو سمجھ نہیں آتا ہے کہ جسم کو ٹھنڈا رکھنے کی ضرورت ہے یا نہیں۔

ذیابیطس

ذیابیطس کے مریضوں کے جسم سے رات کو بہت زیادہ پسینہ خارج ہوتا ہے، خاص طور پر اس وقت جب بلڈ شوگر کی سطح گھٹ جائے۔

کئی بار انسولین یا ذیابیطس کی دیگر ادویات کے باعث بھی بہت زیادہ پسینہ بہنے لگتا ہے۔

گردوں کے امراض کا شکار بنا دینے والی عام چیزیں

زیادہ تر افراد اپنی ہی غلطیوں کے باعث گردوں کے امراض سے متاثر ہوتے ہیں اور چند عام چیزیں یاعادات اس حوالے سے کردار ادا کرتی ہیں۔

کوئی بیماری

تپ دق (ٹی بی)، دل کے ورم اور ہڈیوں کے انفیکشن جیسے امراض کے باعث بھی بہت زیادہ پسینہ بہنے لگتا ہے۔

مخصوص ادویات

سکون آور ادویات، ذیابیطس کی ادویات اور ہارمون تھراپی سمیت متعدد اقسام کی ادویات کے استعمال سے سیکنڈری hyperhidrosis کا سامنا ہوتا ہے۔

فالسے کھانا صحت کے لیے فائدہ مند ہوتا ہے یا نہیں؟

یہ کھٹا میٹھا پھل منہ کا ذائقہ تو بہتر کرتا ہی ہے مگر اس سے ہٹ کر کیا فالسے کو کھانا صحت کے لیے بھی مفید ہے یا نہیں؟

دیگر طبی وجوہات

متعدد دیگر مسائل کے باعث جسم بہت زیادہ مقدار پسینہ خارج کرنے لگتا ہے جیسے انزائٹی، ہارٹ اٹیک، آٹو امیون امراض، خون کے کینسر، تھائی رائیڈ کے امراض، ایچ آئی وی اور ایڈز وغیرہ ان میں نمایاں ہیں۔

تناؤ

اگر بغیر کسی وجہ کے اچانک بہت زیادہ مقدار میں پسینہ خارج ہونے لگے تو یہ تناؤ کی علامت بھی ہو سکتا ہے۔

یہ پسینہ جسم کو ٹھنڈا کرنے کے لیے خارج نہیں ہوتا بلکہ مشکل حالات سے لڑنے کے لیے جسمانی تیاری کے ردعمل کا نتیجہ ہوتا ہے۔

صحت مند رہنے کیلئے یہ آسان کام کرنا آج سے ہی عادت بنالیں

اچھی صحت کے حصول کے لیے کچھ چیزیں ایسی ہیں جن کی سائنس نے ٹھوس انداز سے تصدیق کی ہے۔

موسم

یہ تو سب کو ہی معلوم ہے کہ جب موسم گرم اور مرطوب ہوتا ہے تو گھر سے باہر نکلنے پر ہی لوگ پسینے سے شرابور ہوجاتے ہیں، درجہ حرارت جتنا زیادہ بڑھتا ہے پسینے کا اخراج بھی اتنا زیادہ ہے۔

اس کے علاوہ گرم مرطوب موسم میں پسینے کا بخارات بن کر  اڑنا بھی مشکل ہوتا ہے جس کے باعث بھی پسینے میں شرابور ہونے کا احساس زیادہ ہوتا ہے۔

خراٹوں جیسے مسئلے سے نجات بہت آسان

اچھی بات یہ ہے کہ چند عام چیزوں کے ذریعے خراٹوں کی روک تھام ممکن ہے۔

کیفین اور زیادہ مرچوں والی غذائیں

آپ کی غذا بھی اس حوالے سے اہمیت رکھتی ہے، خوراک یا مشروبات سے مرکزی اعصابی نظام متحرک ہوتا ہے جو پسینے کے غدود کو بھی کنٹرول کرتا ہے۔

تو جن غذاؤں میں زیادہ مرچوں کا استعمال ہوتا ہے، انہیں کھانے سے یہ غدود بھی زیادہ متحرک ہوجاتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔