26 جون ، 2025 
اینڈرائیڈ صارفین کیلئے گوگل کروم میں بہت بڑی تبدیلی کر دی گئی
26 جون ، 2025
اینڈرائیڈ ڈیوائسز کے لیے گوگل کروم ویب براؤزر میں ایک دلچسپ فیچر متعارف کرایا گیا ہے۔
درحقیقت یہ فیچر اس ویب براؤزر کے ڈیزائن کو نمایاں حد تک تبدیل کر دے گا۔
گوگل کی جانب سے ایک بلاگ پوسٹ میں بتایا گیا کہ اینڈرائیڈ ڈیوائسز کے لیے گوگل کروم کے نئے ورژن میں صارفین کو جدید تجربہ فراہم کیا جائے گا اور اس کا استعمال موبائل ڈیوائسز پر زیادہ آسان ہو جائے گا۔
اس فیچر سے صارفین ایڈریس بار کو اسکرین کے ٹاپ سے نیچے منتقل کر سکیں گے۔
یہ فیچر پہلے آئی او ایس ڈیوائسز کے لیے کروم براؤزر میں دستیاب تھا اور اب اسے اینڈرائیڈ صارفین کے لیے بھی متعارف کرایا جا رہا ہے۔
اس نئے فیچر میں صارف کو آزادی ہوگی کہ وہ اپنی مرضی کے مطابق ایڈریس بار کی لوکیشن کو سیٹ کرسکیں۔
ایڈریس بار کو اسکرین پر ایک سے دوسری جگہ منتقل کرنے کے لیے ایڈریس بار کو کچھ دیر تک دبا کر رکھیں جس کے بعد اسے نیچے منتقل کیا جاسکے گا۔
اسی طرح کروم کے سیٹنگز مینیو میں اس حوالے سے آپشن دیا جائے گا۔
ایڈریس بار کو نیچے منتقل کرنے پر صارفین کے لیے ٹائپ کرنا زیادہ آسان ہوگا۔
کمپنی کے مطابق صارفین کے لیے اس فیچر کو متعارف کرانے کا سلسلہ شروع ہوگیا اور آنے والے ہفتوں میں یہ تمام افراد کو دستیاب ہوگا۔
مزید خبریں :
آئی فون 17 پرو کی جھلک سامنے آگئی
25 جون ، 2025
گوگل ارتھ کے 20 سال مکمل ہونے پر 2 نئے فیچرز متعارف
25 جون ، 2025
ایک بڑے سیارچے کا چاند سے ٹکرانے کا امکان
24 جون ، 2025
یہ دنیا کا سب سے بڑا اسمارٹ فون ہے
23 جون ، 2025
