16 مارچ ، 2013 
خیبرپختونخوا : سیٹ ایڈجسٹمنٹ کیلئے مسلم لیگ ن اور جماعت اسلامی کے مذاکرات
16 مارچ ، 2013
پشاور … آئندہ عام انتخابات میں سیٹ ایڈجسٹمنٹ کے معاملات طے کرنے کیلئے خیبر پختونخوا میں مسلم لیگ ن اور جماعت اسلامی کے درمیان مذاکرات کا آغاز ہو گیا ہے۔ پشاور میں مسلم لیگ ن کے صوبائی صدر پیر صابر شاہ کے زیر صدارت اجلاس ہوا، جس میں جماعت اسلامی خیبر پختونخوا کے امیر پروفیسر ابراہیم اور دونوں جماعتوں کے قائدین نے شرکت کی۔ اس موقع پر مسلم لیگ ن اور جماعت اسلامی کے درمیان سیٹ ایڈجسٹمنٹ اور انتخابی تعاون پر غور کیا گیا۔ جبکہ ایک مشترکہ سب کمیٹی بھی تشکیل دی گئی جو ایک ہفتے میں دونوں جماعتوں کے درمیان سیٹ ایڈجسٹمنٹ اور باہمی تعاون کے معاملات طے کر کے حتمی رپورٹ پیش کرے گی۔ اجلاس میں جماعت اسلامی اور مسلم لیگ ن کے رہنماوٴں نے باہمی سوچ اور مشترکہ موٴقف رکھنے والی جماعتوں کے درمیان انتخابی تعاون کو ناگزیر قرار دیا۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
11 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
11 گھنٹے پہلے
