21 مارچ ، 2013 
آڈیٹر جنرل کو طلب کرنے کا ٹیکس محتسب کا احکامات معطل
21 مارچ ، 2013
اسلام آباد…اسلام آباد ہائی کورٹ نے وفاقی ٹیکس محتسب ڈاکٹر شعیب سڈل کی جانب سے آڈیٹر جنرل آف پاکستان کو جاری توہین عدالت کے نوٹس پر حکم امتناعی جاری اور 22 مارچ کو ان کی طلبی کے احکامات بھی معطل کر دیے ۔ اسلام آباد ہائی کورٹ کے چیف جسٹس محمد انور خان کاسی نے آڈیٹر جنرل آف پاکستان کی درخواست پر سماعت کی جس میں وفاقی ٹیکس محتسب ڈاکٹر شعیب سڈل کی جانب سے جاری کیے گئے توہین عدالت نوٹس کو چیلنج کیا گیا ہے۔ درخواست گزا ر کے وکیل سعید خورشید نے موقف اختیار کیا کہ آڈیٹر جنرل آفس کو الاوٴنس کا غلط استعمال روکنے اور پری آڈٹ اعتراضات کرنے کا اختیار ہے۔مگر وفاقی ٹیکس محتسب نے اپنا ا سپیشل جوڈیشل الاوٴنس روکنے پر انہیں توہین عدالت کا نوٹس جاری کر کے 22 مارچ کو طلب کر لیا ہے۔ عدالت نے دلائل سننے کے بعد وفاقی ٹیکس محتسب ، اٹارنی جنرل، اور قانون و انصاف سمیت اسٹیبلشمنٹ ڈویژن کے سیکریٹریز کو نوٹس جاری کرتے ہوئے جواب طلب کر لیا ہے۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
7 گھنٹے پہلے
عید کے تیسرے روز بھی کراچی کا موسم گرم رہنے کا امکان
9 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
10 گھنٹے پہلے
