18 مارچ ، 2012 
قومی ون ڈے کپ کے سیمی فائنلز کل کھیلے جائیں گے
18 مارچ ، 2012
لاہور …اسپورٹس ڈیسک… قومی ون ڈے کپ ڈویژن ون ٹورنامنٹ کے سیمی فائنلز پیر کو کھیلے جائیں گے۔ تفصیلات کے مطابق ٹورنامنٹ کا پہلا سیمی فائنل پی آئی اے اور اسلام آباد لیپرڈز کی ٹیموں کے درمیان قذافی سٹیڈیم لاہور میں کھیلا جائیگا۔ دوسرے سیمی فائنل میں سیالکوٹ سٹالینز اور حبیب بنک کی ٹیمیں اقبال سٹیڈیم فیصل آباد میں آمنے سامنے ہوں گی۔ ٹورنامنٹ کا فائنل 21 مارچ کو قذافی سٹیڈیم لاہور میں کھیلا جائے گا۔ سیمی فائنل میں جگہ بنانے والی پی آئی اے کی ٹیم گروپ اے میں 8 پوائنٹس کے ساتھ سرفہرست رہی جبکہ اسلام آباد لیپرڈز نے گروپ بی میں 6 پوائنٹس کے ساتھ دوسری پوزیشن حاصل کی۔ سیالکوٹ سٹالینز کی ٹیم گروپ بی میں چھ پوائنٹس کے ساتھ سرفہرست رہی جبکہ حبیب بینک نے گروپ اے میں چھ پوائنٹس کے ساتھ دوسری پوزیشن حاصل کی۔
