لندن…ایم کیوایم کے شہیدکنوینراورشہیدانقلاب ڈاکٹرعمران فاروق کی بیوہ شمائلہ عمران نے کہاہے کہ الطاف حسین کروڑوں عوام کے قائدہیں او ر کسی بھی طرح کاپروپیگنڈہ عوام کوان سے دورنہیں کرسکتا۔ انہوں نے یہ بات لندن میں ایم کیوایم یوکے کے زیراہتمام ڈاکٹرعمران فاروق شہیدکی تیسری برسی کے موقع پر گفتگوکرتے ہوئے کہی۔اس موقع پر انکے دونوں بیٹے عالیشان اوروجدان بھی انکے ہمراہ تھے ۔ شمائلہ عمران نے انٹرنیشنل میڈیامیں الطا ف حسین کے بارے میں شائع ہونے والی منفی رپورٹس کے بارے میں کہاکہ الطاف بھائی کے خلاف جتنے پروپیگنڈے کئے جارہے ہیں ان کی مقبولیت میں اتنا ہی اضافہ ہورہاہے۔ سازشیں کرنے والے الطاف بھائی کے خلاف کیسی ہی سازشیں کیوں نہ کرلیں وہ اپنی سازشوں میں کامیاب نہیں ہوسکتے۔شمائلہ عمران نے کہا کہ ایم کیوایم مظلوموں کی تحریک ہے جس کی جدوجہدمیں الطاف بھائی کے بھائی ، بھتیجے اورمیرے شوہرسمیت ہزاروں شہیدوں کا لہو شامل ہے ،انشاء اللہ حق پرستی کی یہ تحریک ضرورکامیاب ہوگی اورہم سب اس جدوجہدمیں الطاف بھائی کے ساتھ ہیں۔