ابوظہبی…جنوبی افریقا نے تیسرے ایک روزہ میچ میں پاکستان کو 68رنز سے ہرا دیا، 260رنز کے ہدف کے تعاقب میں پوری پاکستانی ٹیم 191رنز پر ڈھیر ہوگئی۔جنوبی افریقا کو سیریز میں 2-1کی برتری حاصل ہوگئی ہے۔ ابوظہبی میں کھیلے جانے والے میچ میں جنوبی افریقا نے ٹاس جیت کر پاکستان کو جیت کے لئے 260رنز کاہدف دیا ۔ پاکستانی بیٹنگ لائن ایک بار پھر ریت کی دیوار ثابت ہوئی،احمد شہزاد، حفیظ ،عمر امین،عمر اکمل ،مصباح، اسد شفیق اور شاہد آفریدی سمیت سب بیٹسمین تو چل میں آیا کی پالیسی پر گامزن رہے۔حفیظ اوراحمد شہزاد نے بالترتیب نے15اور32رنز بنائے،تاہم دونوں کے بعد کوئی مڈل آرڈر کوئی مزاحمت کرنے میں ناکام رہا،عمرامین 13، مصباح الحق 19،اسد شفیق11،عمراکمل7،شاہد آفریدی نے6،رنز بنائے، تاہم ناقابل یقین طور پر بالرز وہاب ریاض اورسہیل تنویر نے ایک بار پھر پاکستان کو پیروں پر کھڑا کرنے کی کوشش کی دونوں کھلاڑیوں بالترتیب 33اور31رنز بنائے، لیکن دونوں کے آوٴٹ ہوتے ہی ، سعید اجمل بھی ایک رن بنا کر پویلین واپس لوٹ گئے۔ یوں پوری پاکستانی ٹیم 44.3اوورز میں191رنز بنا کرآوٴٹ ہوگئی۔جنوبی افریقا کی جانب سے اسپن بالرعمران طاہر نے 4، مورکل اورمیک لیرن نے دو، دوجبکہ سوٹ سوبے اورڈیل اسٹین نے ایک ، ایک وکٹ حاصل کی۔