دنیا
22 جنوری ، 2014
22 جنوری ، 2014 
شام کی صورتحال پر امن مذاکرات آج جنیوا میں شروع ہونگے
22 جنوری ، 2014
جنیوا… شام کی صورتحال پر امن مذاکرات آج سے شروع ہورہے ہیں، اقوام متحدہ کے سیکریٹری جنرل بان کی مون جنیوا پہنچ گئے ہیں، یہ مذاکرات اب ایران کے بغیر ہوں گے، ایران کی شمولیت کی خبروں پر شامی اپوزیشن جماعتوں نے کانفرنس کے بائیکاٹ کی دھمکی دی تھی۔ بان کی مون کے ترجمان کا کہنا ہے کہ ایران کو دعوت اس یقین دہانی کے بعد دی گئی تھی کہ وہ شام میں ایک نئی، متفقہ اور عبوری حکومت کے قیام کے فارمولے سے متفق ہے تاہم ایران نے اس کی تردید کرتے ہوئے کہا کہ اس نے ایسی کوئی یقین دہانی نہیں کرائی تھی، روس نے ایران کو شرکت سے روکنے پر امریکا پر کڑی تنقید کی ہے اور کہا ہے کہ اس سے معاملات الجھیں گے۔
