27 جنوری ، 2014 
بلدیاتی انتخابات کی تاریخ کا اعلان فروری میں کیا جائیگا،پرویز خٹک
27 جنوری ، 2014
پشاور…وزیر اعلیٰ خیبرپختونخوا پرویز خٹک نے کہا ہے کہ صوبے میں بلدیاتی انتخابات کی تاریخ کا اعلان فروری میں کیا جائے گا۔اسلام آباد میں سینئر صوبائی وزیر سراج الحق کے ساتھ نیوز کانفرنس میں پرویز خٹک نے کہا کہ خیبر پختونخوا میں بلدیاتی الیکشن مارچ یا اپریل میں کرائے جائیں گے۔ وہ با اختیار وزیر اعلیٰ ہیں اور کوئی ان کے کام میں مداخلت نہیں کرتا، پیسکو چیف بجلی چوری میں ملوث پائے گئے ہیں،وفاقی حکومت نے انہیں تبدیل نہ کیا تو وہ ان کے خلاف بجلی چوری کا مقدمہ درج کرائیں گے۔پرویز خٹک نے کہا کہ اگر وفاق نے خیبر پختونخوا کے اربوں روپے کے واجبات ادا نہ کیے تو عدالت سے رجوع کریں گے۔انہوں نے کہا کہ صوبے میں کوئی نو گو ایریا نہیں ،ان کی حکومت کی رٹ ہر جگہ قائم ہے۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
11 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
11 گھنٹے پہلے
