پاکستان
08 اپریل ، 2012
08 اپریل ، 2012 
رواں سال کے پہلے3ماہ:712ملزم گرفتار کئے،لاہور پولیس
08 اپریل ، 2012
لاہور… کیپٹل سٹی پولیس آفیسر لاہور احمد رضا طاہر کا کہنا ہے کہ رواں سال کے پہلے تین ماہ کے دوران مختلف سنگین جرائم میں ملوث 231 گروہوں کا قلع قمع کر دیا۔ اس دوران 712 ملزمان کو گرفتار کر لیا گیا۔سی سی پی او لاہور کی جانب سے جاری بیان میں بتایا گیا ہے کہ پولیس نے گرفتار ملزمان سے 13 کروڑ 25 لاکھ روپے بھی برآمد کئے گئے۔ ان ملزمان کے خلاف ایک ہزار 287 مقدمات بھی درج تھے۔ تین ماہ کے دوران دس ہزار سے زائد اشتہاری مجرمان اور عدالتی مفرور بھی گرفتار کئے گئے۔ ناجائز اسلحہ کے خلاف مہم کے دوران بڑی تعداد میں ملزمان گرفتار کر کے 1264 مقدمات درج کئے گئے۔ سی سی پی او کے مطابق اس عرصہ کے دوران 2364 منشیات فروش اور 411 قمار بازبھی پکڑے گئے۔
