لندن……وفاقی وزیرخزانہ سینیٹراسحاق ڈار نے لندن فون کرکے ایم کیوایم کی رابطہ کمیٹی کے رکن سینیٹربابرغوری سے گفتگوکی اورقائدتحریک الطاف حسین کے شناختی کارڈ کے اجراء کے معاملے پر احتجاجی مظاہرے ملتوی کرنے پر ایم کیوایم کی قیادت کاشکریہ اداکیا۔ سینیٹراسحاق ڈار نے کہاکہ وزیراعظم نے ہدایت کی ہے کہ الطاف حسین کے شناختی کارڈکے اجراء کے معاملے کوخوش اسلوبی کے ساتھ جلدازجلد حل کرلیاجائے ۔دریں اثناء یورپی یونین کے لئے اسلامی ممالک کے سفارتی مشاہدہ کارفیصل محمدنے حکومت پاکستان پرتنقیدکرتے ہوئے کہاہے کہ حکومت پاکستان الطاف حسین جیسے قومی رہنماکے خلاف غیرذمہ دارانہ رویہ اختیارکیے ہوئے ہے ۔انہوں نے کہاکہ ایم کیوایم کے قائدالطاف حسین کو NICOPکارڈجاری نہ کرنااقوام متحدہ کے چارٹربرائے بنیادی انسانی حقوق کی کھلی خلاف ورزی ہے۔علاوہ ازیں ایم کیوایم کی رابطہ کمیٹی نے یورپی یونین کے لئے اسلامی ممالک کے سفارتی مشاہدہ کارفیصل محمدکی جانب سے قائدتحریک الطاف حسین کوNICOPجاری کرنے کے لئے آوازبلندکرنے پران سے اظہارتشکرکیااورالطاف حسین اورایم کیوایم کی جانب سے فیصل محمد کاتہہ دل سے شکریہ اداکیا ہے۔