کراچی…قائدتحریک الطا ف حسین سے اظہاریکجہتی کے لئے متحدہ قومی موومنٹ کے زیراہتمام اتوار25مئی سہ 3بجے ایم اے جناح روڈتبت سینٹرپرعظیم الشان”یکجہتی ریلی“کا انعقادکیاجائے گا۔یکجہتی ریلی میں ایم کیوایم ذمہ داران،کارکنان اورمختلف مکاتب فکرسے تعلق رکھنے والے حق پرست عوام ، الطاف حسین سے بھرپور اظہاریکجہتی کا مظاہرہ کرینگے۔علاوہ ازیں ایم کیوایم کی رابطہ کمیٹی نے ایم کیوایم کے ذمہ داران ،کارکنان اورہمدردعوام سمیت تمام شعبہ ہائے زندگی سے تعلق رکھنے والے افرادسے اپیل کی کہ وہ 25مئی کوتبت سینٹرپرمنعقدہ”یکجہتی ریلی “ میں بھرپورتعدادمیں شرکت کرکے قائدتحریک سے یکجہتی کااظہارکریں۔دریں اثناء ایم کیو ایم کی رابطہ کمیٹی نے اورنگی ٹاؤن میں بھتہ مافیاکی جانب سے بھتہ نہ دینے پردوسگے بھائیوں امان الحق اورامین الحق کوفائرنگ کرکے قتل کرنے کی سخت ترین الفاظ میں مذمت کی ہے اورمطالبہ کیاہے کہ کراچی میں کاروباری افرادکوجاں ومال کاتحفظ فراہم کرنے کے لئے بھتہ مافیاکے خلاف سخت ترین کارروائی کی جائے۔ایک بیان میں رابطہ کمیٹی نے کہاکہ ایک اسے وقت میں جب کراچی میں جاری ٹارگٹڈآپریشن اپنے عروج پرہے بھتہ مافیاکی جانب سے کراچی کے تاجروں،دکانداروں اورصنعتکاروں کوبھتے کی پرچیاں اوربھتہ نہ دینے کی صورت میں سنگین نتائج کی دھمکیاں لمحہ فکریہ ہیں۔رابطہ کمیٹی نے بھتہ نہ دینے والے اورنگی ٹاؤن کے تاجربھائیوں امان الحق اورامین الحق بہیمانہ کے قتل پر گہرے رنج اورافسوس کااظہارکرتے ہوئے مقتولین کے سوگوارلواحقین سے دلی تعزیت وہمدردی کااظہارکیااوردعاکی کہ اللہ تعالیٰ مقتولین کواپنی جواررحمت میں اعلیٰ مقام عطا فرمائے اورسوگوارلواحقین کویہ صدمہ برداشت کرنے کاحوصلہ دے۔رابطہ کمیٹی نے وزیراعلیٰ سیدقائم علی شاہ اورگورنرسندھ ڈاکٹرعشرت العبادسے مطالبہ کیاکہ بھتہ نہ دینے پرقتل کئے گئے بھائیوں امان الحق اورامین الحق کے قتل کانوٹس لیاجائے ان کے قاتلوں کوگرفتارکرکے عبرتناک سزادی جائے اورکراچی کے عام شہریوں خصوصاًتاجروں،صنعتکاروں اوردکانداروں کوجان ومال کاتحفظ فراہم کرتے ہوئے بھتہ مافیا سے نجات دلائی جائے۔