11 اپریل ، 2012 
گیاری : جوانوں کو نکالنے کیلئے 450میٹر طویل ٹریک بچھادیا گیا
11 اپریل ، 2012
اسکردو… سیاچن میں برفانی تودے تلے فوجیوں کے دب جانے والے مقام پر امدادی کارروائیوں کا سلسلہ ، سخت موسمی حالات کے باوجود ، تیزی سے جاری ہے اور اس مقام پر تقریبا نصف کلومیٹر طویلا راستہ ہموار کرلیا گیا ہے ۔ آئی ایس پی آر کے مطابق گیاری سیکٹر میں اسٹریٹجک پلانز ڈویژن کی ٹیم کی مدد سے فوج نے کھدائی کیلئے جن پانچ مقامات کی نشاندہی کی وہاں مشینوں اور انسانی ہاتھوں کی مدد سے کھدائی تیزی سے جاری ہے ، ریسکیو ٹیموں نے ان پانچ ترجیحی مقامات پر آسانی سے رسائی کیلئے 450 میٹر طویل ٹریک ہموار کردیا ہے ، تودے والے مقام پر دوسرا راستہ بنانے کی بھی تیز تر کوششیں جاری ہیں، آئی ایس پی کے مطابق برفانی تودہ گرنے کے مقام پر ڈوزرز کی مدد سے آبی بہاوٴ کا وہ راستہ بحال کردیا گیا جو برفانی تودہ گرنے کی وجہ سے بند ہوگیا تھا۔
مزید خبریں :
پاکستان میں 2024 میں جمہوریت تنزلی کا شکار رہی
9 گھنٹے پہلے
سندھ کابینہ نے کراچی کیلئے ڈبل ڈیکر بسوں کی منظوری دیدی
10 گھنٹے پہلے
