12 اپریل ، 2012 
بھارتی سپریم کورٹ کاغریب بچوں کاتعلیمی کوٹہ برقراررکھنے کاحکم
12 اپریل ، 2012
نئی دہلی… بھارت سپریم کورٹ نے پرائیوٹ اسکولوں میں غریب بچوں کے لیے پچیس فی صد کوٹہ برقرار رکھنے کاحکم جاری کردیا۔ بورڈنگ اور اقلیتی اسکول اس فیصلے سے مستثنیٰ ہوں گے۔نئی دہلی میں بھارتی سپریم کورٹ کی تین رکنی بینچ نے تعلیم حاصل کرنے کے حق کے قانون سے متعلق کیس کی سماعت کے دوران فیصلہ سناتے ہوئے کہا ہے کہ یہ قانون تمام پرائیوٹ اور سرکاری اسکولوں پر لاگورہیگا۔قانون کے تحت ہرنجی اسکول کو غریب بچوں کے لیے بچیس فی صد نشستیں مختص کرنا ہوں گی تاہم اقلیتی اور بورڈنگ اسکول اس قانون سے مستثنیٰ ہوں گے۔ اس قانون کا اطلاق آج سے ہی ہوجائے گا۔ راجستھان کی پرائیوٹ اسکول ایسوسی ایشن نے اس قانون کے خلاف پٹیشن دائر کی تھی جس میں کہا گیا تھا کہ یہ قانون ان کے حقوق پر اثر انداز ہورہا ہے۔ بھارت کے اس تاریخ ساز قانون کے تحت تعلیم کاحصول 6 سے14 سال تک کی عمر کے ہر بچے کے بنیادی حق کے طورپر تسلیم کیا گیا ہے۔
مزید خبریں :
ویڈیو: برطانوی بادشاہ چارلس اور ملکہ کمیلا نے رمضان پیکج بنالیے
27 فروری ، 2025
صادق خان نے سینٹرل لندن میں رمضان لائٹس کا افتتاح کردیا
27 فروری ، 2025
