پاکستان
16 اپریل ، 2012
16 اپریل ، 2012 
پارلیمانی سفارشات پر بات کرنے کو تیار ہیں، امریکی سفیر
16 اپریل ، 2012
اسلام آباد… امریکا نے کہاہے کہ پاکستان کی پارلیمنٹ نے تعلقات کی نئی پالیسی کیلئے جو سفارشات منظور کی ہیں وہ انہیں سراہتا ہے اور ان سفارشات میں اٹھائے گئے ایشوز پر بات کرنے کو تیار بھی ہے اسلام آباد میں امریکی سفیر کیمرون منٹر نے اقتصادی امور ڈویژن میں امداد دینے کے ایک معاہدہ کی تقریب کے موقع پر میڈیا سے گفت گو میں کہاکہ وہ قومی سلامتی پر پارلیمنٹ کو سفارشات کی منظوری پر مبارکباد پیش کرتے ہیں، انہوں نے کہاکہ پاکستان میں انسداد منشیات کا پروگرام کامیابی سے جاری ہے ، اس سے پہلے تقریب میں معاہدے کی ایک دستاویز پر دست خط کئے گئے ، اس کے تحت سرحدی سکیورٹی، نفاذ قانون، انسداد منشیات اور عدالتی اصلاحات کیلئے امریکا، پاکستان کو 110 ملین ڈالر دیگا ۔
