24 اکتوبر ، 2014 
ہری پور میں عوامی تحریک کا علامتی دھرنا آج ہوگا
24 اکتوبر ، 2014
ہری پور.......عوامی تحریک کے سربراہ ڈاکٹر طاہر القادری کے شہر شہر دھرنے کے اعلان کے بعد آج پہلا پڑاؤ ہری پور میںہوگا جہاں دو گھنٹے علامتی دھرنا دیا جائےگا اور طاہرالقادری دھرنے کے شرکا سے خطاب کرینگے۔اسلام آباد میں دھرنے کے خاتمے کے اعلان کے ساتھ طاہر القادری نے مختلف شہروں میں جلسوں اور دھرنوں کااعلان کیاتھا۔گزشتہ روز ایبٹ آباد میں جلسے کے بعد عوامی تحریک آج ہری پور کے ایلیمنٹری کالج گراؤنڈ میں دوگھنٹے علامتی دھرنا دے گی جس میں طاہرالقادری کےساتھ دیگر پارٹی رہنما اور کارکن شریک ہوں گے۔دھرنے کے مقام پر سیکیورٹی کے سخت انتظامات کیے گئے ہیں ۔ڈسٹرکٹ پولیس آفیسر ہری پور خرم رشید کا کہنا ہے کہ جلسہ گاہ میں 600 پولیس اہلکاروں ،ایلیٹ فورسز کے جوانوں اور بم ڈسپوزل یونٹ کو تعینات کیا گیا ہے جبکہ طاہر القادری کے خطاب کے دوران شاہراہ ہزارہ کو ہر قسم کے ٹریفک کے لئے بند کردیاجائےگا۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
7 گھنٹے پہلے
عید کے تیسرے روز بھی کراچی کا موسم گرم رہنے کا امکان
9 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
10 گھنٹے پہلے
