10 نومبر ، 2014 
آپریشن خیبر ون کامیابی سے جاری ہے، پولیٹیکل ایجنٹ شہاب علی شاہ
10 نومبر ، 2014
پشاور ......خیبر ایجنسی کے پولیٹیکل ایجنٹ شہاب علی شاہ نے کہا ہے کہ آپریشن خیبر ون کامیابی سے جاری ہے۔ علاقے کو عسکریت پسندوں سے پاک کرکے انسداد پولیو مہم کو کامیاب بنائیں گے۔پشاور میں پریس کانفرنس سے خطاب کرتے ہوئے پولیٹیکل ایجنٹ شہاب علی شاہ نے کہا کہ آپریشن خیبر ون کے زریعے خیبر ایجنسی سے عسکریت پسندوں کا خاتمہ کیا جائیگا۔ مقامی عمائدین کے تعاون سے آپریشن کامیابی سے جاری ہے اور جلد ہی علاقہ کو عسکریت پسندوں سے پاک کیا جائیگا۔ انہوں نے کہا کہ علاقے میں سول انتظامیہ کی عملداری قائم کی جا رہی ہے۔ شہاب علی شاہ نے یہ بھی کہا کہ انسدادپولیومہم 17نومبر سے شروع کی جا رہی ہے۔ مہم کے دوران 1لاکھ 28ہزار بچوں کوپولیو سے بچاؤ کے قطرے پلانے کا ہدف مقررکیا گیا ہے۔پولیو ٹیموں کو خصوصی تربیت دے رہے ہیں تاکہ ہر بچے تک حفاظتی قطرے پہنچ سکے۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
7 گھنٹے پہلے
عید کے تیسرے روز بھی کراچی کا موسم گرم رہنے کا امکان
9 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
10 گھنٹے پہلے
