23 اپریل ، 2012 
فرانس انتخابات:28فیصد ووٹ ملنے پر عوام کا شکر گزارہوں، فرانسو اولاند
23 اپریل ، 2012
… فرانس میں صدارتی انتخابات کے پہلے مرحلے میں کامیابی حاصل کرنے والے فرانسو اولاند کا کہنا ہے کہ 28 فیصد ووٹوں نے ان کے اعتماد میں اضافہ کیا ہے جس کیلئے وہ عوام کے بیحد شکرگزار ہیں۔ صدارتی انتخاب کے پہلے مرحلے میں فرانسو اولاند نے نکولس سرکوزی پر برتری حاصل کرلی تاہم حتمی فیصلہ 6 مئی کو ہوگا۔ ابتدائی مرحلے کے نتائج سامنے آنے کے بعد فرانسو اولاند نے تمام ووٹرز کا شکریہ ادا کیا ۔ فرانسو اولاند کا کہنا تھا کہ ان تمام ووٹرز کا بے حد شکریہ جنہوں نے ان کو صدارتی انتخاب کے پہلے مرحلے میں کامیابی سے ہم کنار کروایا۔ ساتھ ہی ان کا کہنا تھا کہ اب ان کی تمام تر توجہ 6 مئی کو ہونے والے اگلے مرحلے پر مرکوز ہے اور حالیہ ووٹنگ میں 28 فیصد ووٹوں نے ان کے اعتماد میں اضافہ کیا ہے جس کیلئے وہ عوام کے بیحد شکرگزار ہیں۔ انتخابات کے اگلے مرحلے کے حوالے سے اولاند نے امید ظاہر کی کہ وہ خود کو سرکوزی سے بہتر ثابت کریں گے۔
مزید خبریں :
ٹرمپ اور یوکرینی صدر گتھم گتھا، اے آئی ویڈیو وائرل
9 گھنٹے پہلے
روس کی یوکرین میں یورپی امن دستوں کی ممکنہ تعیناتی کی مخالفت
04 مارچ ، 2025
ڈونلڈ ٹرمپ نے یوکرین کیلئے تمام فوجی امداد روک دی
04 مارچ ، 2025
