پاکستان
28 اپریل ، 2012
28 اپریل ، 2012 
گیاری :سرچ آپریشن 21ویں روز بھی جاری ،19لاکھ ٹن برف ہٹا دی گئی
28 اپریل ، 2012
اسکردو…گیاری سیکٹر میں پھنسے جوانوں کو نکالنے کیلئے سرچ اینڈ ریسکیوآپریشن اکیسویں دن بھی جاری ہے۔ اب تک آٹھ مختلف مقامات سے انیس لاکھ ٹن برف ہٹائی گئی ہے، گیاری میں بھاری مشینوں اور افرادی قوت میں اضافہ کردیا گیا ہے۔ کھدائی کے ذریعے ہٹائی گئی برف پگھلنے سے ایک کلومیٹر طویل جھیل بن گئی ہے، سخت موسمی حالات میں بھی جوان رات دن امدادی کارروائیوں میں مصروف ہیں ۔اسپیشل کمیونیکیشن آرگنائزیشن کے کمانڈنگ آفیسرکرنل احسان گیلانی نے جیونیوز کو بتایا کہ ہزاروں فٹ کی بلندی پر موبائل اور انٹرنیٹ کی سہولت فراہم کردی گئی ہے اور اب ریسکیو آپریشن کے مقام سے وڈیو لنک کے ذریعے فوٹیج اور تصاویر بھیجی جا سکیں گی۔
