پاکستان تحریک انصاف کے چیئرمین عمران خان نے کہا ہے کہ نہ کبھی کسی کے سامنے جھکا نہ پاکستانی قوم جھکے گی، ڈاکوؤں نے اداروں اوروسائل پر قبضہ کیاہواہے،کشتیاں جلاکر اسلام آباد پہنچيں گے اورتب تک رہیں گے جب تک وزیراعظم استعفیٰ نہیں دیتے۔

وہ مالاکنڈ میں پی ٹی آئی کے جلسے سے خطاب کر رہے تھے، جلسے سے پہلے پی ٹی آئی کے کارکنوں نے اسٹیج پر چڑھنے کی کوشش کی جس کی وجہ سے بد نظمی دیکھنے میں آئی،خود کارکنوں کو عمران خان ڈانٹ ڈپٹ کرتے رہے۔

پی ٹی آئی چیئر مین نے اپنے خطاب میں دھرنے کو سیاسی میچ قرار دے دیا، حکومت کی ٹیم بنادی، وزيراعظم کے ساتھ آصف زرداری، فضل الرحمان، امیر مقام، اسفند یار سب پر تنقید کی۔