رمضان کا چاند دیکھنے کے لیے اسلام آباد میں مرکزی رویت ہلال کمیٹی کا اجلاس جاری ہے۔

مرکزی رویت ہلال کمیٹی کا اجلاس چیئرمین مفتی منیب الرحمان کی صدارت میں ہورہا ہے۔

اجلاس میں مفتی منیب نے اپیل کی ہے کہ کمیٹی کے فیصلے تک چاند سے متعلق کوئی خبر نہ چلائی جائے، قومی مفاد میں جو فیصلہ رویت ہلال کمیٹی کرے وہ اعلان کیا جائے۔

دوسری جانب محکمہ موسمیات کے ڈائریکٹر ڈاکٹر محمد حنیف نے کہا ہے کہ رمضان المبارک کا چاند نظر آنے کے امکانات کم ہیں۔

انہوں نے کہا کہ چاند کی اوسط عمر 19 گھنٹے سے کم ہے، اس لیے اس کے نظر آنے کا امکان کم ہے، تاہم بلوچستان کے چند علاقوں میں چاند نظر آسکتا ہے۔