وزیر اعظم میاں نواز شریف کے صاحبزادے حسین نواز کا جے آئی ٹی کو لکھا گیا خط ’جیو نیوز‘ نے حاصل کرلیا ۔

حسین نواز کے خط میں کہا گیا ہے کہ کونسا مخصوص ریکارڈ درکار ہے مجھے نہیں بتایا گیا، ریکارڈ کی نوعیت سے آگاہ کرنا جے آئی ٹی کی ذمہ داری ہے ۔

حسین نواز کے خط مزید کہا گیا ہے کہ یہ نہیں بتایا گیا کہ میری موجودگی میں کونسا موضوع زیر بحث آئے گا، مجھے جدہ میں 19مئی کورات 10بجے سمن موصول ہوا۔

حسین نواز کے خط میں یہ بھی کہا گیا ہے کہ تیاری کیلئے مناسب وقت نہ ہونے پر میں تیار ہو کر سفر نہ کر سکا، میں گزشتہ شام 23مئی کو ہی پہنچا ہوں۔