Can't connect right now! retry
Advertisement

پاکستان
07 دسمبر ، 2017

اٹک: کراچی سے پشاور جانے والی ٹرین کا انجن پٹری سے اتر گیا

کراچی سے پشاور جانے والی خوشحال خان خٹک ایکسپریس کا انجن پٹڑی سے اتر گیا—۔جیو نیوز

اٹک:کراچی سے پشاور جانے والی مسافر ٹرین کا انجن پٹری سے اتر گیا، تاہم بروقت روک لینے کے باعث ٹرین بڑے حادثے سے بچ گئی۔

ریلوے انتظامیہ کے مطابق کراچی سے پشاور جانے والی خوشحال خان خٹک ایکسپریس کا انجن پٹڑی سے اتر گیا، تاہم ٹرین کو بروقت روک لیا گیا۔

واقعہ انجن کا شاک ٹوٹنے کے باعث پیش آیا—۔جیو نیوز

ریلوے انتظامیہ کے مطابق واقعہ اٹک سٹی ریلوے اسٹیشن کے قریب انجن کا شاک ٹوٹنے کے باعث پیش آیا۔

انتظامیہ کے مطابق ٹرین میں 3 سو سے زائد مسافر سوار ہیں، جو سب محفوظ رہے۔

انجن پٹری سے اترنے کے بعد دیگر ٹرینوں کی آمد اور روانگی تاخیر کا شکار ہوگئی۔

دوسری جانب متاثرہ ٹرین کے انجن کو پٹری پر واپس لانے کے لیے ہیوی مشینری طلب کرلی گئی ہے۔


Advertisement