08 جون ، 2015 
روہنگیا پر ردعمل کیلئے تیار سفارشات آج وزیراعظم کو پیش کی جائینگی
08 جون ، 2015
اسلام آباد ......کابینہ کی خصوصی کمیٹی نے روہنگیا مسلمانوں کی حالت زار پر رد عمل کیلئے سفارشات تیار کر لیں۔ سفارشات منظوری کیلئے آج وزیر اعظم کو پیش کی جائینگی ۔سرکاری اعلامیے کے مطابق وزیر اعظم کی جانب سے برما میں روہنگیا مسلمانوں کو ریلیف کی فراہمی کیلئے تشکیل دی گئی۔ کابینہ کی خصوصی کمیٹی کا اجلاس اسلام آباد میں ہوا۔ وزیرداخلہ چوہدری نثار ، مشیر خارجہ سرتاج عزیزاور معاون خصوصی طارق فاطمی پر مشتمل خصوصی کمیٹی کے اجلاس میں روہنگیا مسلمانوں کی حالت پر غور کیا گیا۔ کمیٹی نے روہنگیا مسلمانوں کی حالت زار پر رد عمل کیلئے سفارشات تیار کر لیں، جو منظوری کیلئے آج وزیر اعظم کو پیش کی جائینگی۔ اعلامیے کے مطابق وزیراعظم کی منظوری کے بعد سفارشات اور تجاویز کا اعلان کیا جائیگا۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
9 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
9 گھنٹے پہلے
