کراچی.......متحدہ قومی موومنٹ کے قائد الطاف حسین نے کہاہے کہ ظلم وجبر کے ذریعے ایم کیوایم کوکمزورکرنے کی سازشیں کی جارہی ہیں لیکن انشاء اللہ ماضی کی طرح یہ سازشیں بھی ناکامی سے دوچارہوں گی اورمجھے اللہ تعالیٰ کی ذات سے امیدہے کہ وہ تحریک کواس امتحان میںبھی سرخروفرمائے گا۔ انہوں نے یہ بات آج ایم کیوایم کے مرکزنائن زیروپر ایم کیوایم کے رہنماعامرخان کی رہائی کے موقع پر تنظیمی شعبہ جات کے ذمہ داروں اورکارکنوں سے گفتگوکرتے ہوئے کہی۔الطاف حسین نے عامرخان کوانکی رہائی پر مبارکبادپیش کی اوران کی ثابت قدمی پر خراج تحسین پیش کرتے ہوئے ان سے کہاکہ تم نے اپنے عمل وکردار سے ثابت کردیاکہ جیل اورقیدوبندکی صعوبتیں ایم کیوایم کے رہنماؤں ، کارکنوں کے حوصلوںکوختم نہیں کرسکتیں۔کڑی سے کڑی آزمائشوںسے گزرنے پر تمہیں اورجیل میں تشددبرداشت کرنے والے ایک ایک اسیرساتھی کومیں دل سے سلام تحسین پیش کرتاہوں۔آج ایم کیوایم کے خلاف چاروں طر ف سے سازشوں کا جال اس بری طریقے سے بچھادیا گیا کہ ایم کیوایم کے خلاف اس بڑے پیمانے پر کارروائیاں کی جارہی ہیں ، سیکٹرانچارجز، یونٹ انچارجزاوردیگرذمہ داران اپنے گھروں پر نہیں رہ سکتے اوراگروہ کسی مجبوری کی بناء پر اپنے گھرآئیںتوپولیس اور رینجرز انہیں فوراً گرفتارکرکے ان کے خلاف بلائنڈایف آئی آرزقائم کررہے ہیں اور من پسند بیانات لینے کیلئے ان پرسرکاری ٹارچرسیلوں میں ناقابل برداشت ٹارچر کیاجارہاہے۔الطاف حسین نے ایمنسٹی انٹرنیشنل، ہیومن رائٹس واچ اور انسانی حقوق کی تنظیموںسے اپیل کی کہ وہ خدارا سرکاری ٹارچرسیلوں میں ایم کیوایم کے کارکنوں پرکئے جانے والے تشددکے خلاف آوازاٹھائیں اور اس بات کیلئے دباؤ ڈالاجائے کہ تشددکے ذریعے جھوٹے بیانات پر دستخط نہ کرائے جائیں، جناح پورکے الزامات کے بعداب ایک الزامات کانیاسلسلہ شروع کردیاگیاہے اوربعض ضمیرفروش عناصر ایم کیوایم کے خلاف جس طرح زہراگل رہے ہیں وہ نہایت افسوسناک ہے۔ایم کیوایم پر جھوٹے الزامات لگانے والے انشاء اللہ ایک دن خودشرمندہ ہوںگے۔ انہوںنے 11مارچ کے نائن زیروپرچھاپے کے بعد بھی مستقل مزاجی کے ساتھ کام کرنے پر رابطہ کمیٹی پاکستان ،لندن،تمام تنظیمی کمیٹیوں اور نائن زیرو کے شعبہ جات کے ارکان کوانکی ثابت قدمی پر خراج تحسین پیش کیا۔