لندن......متحدہ قومی موومنٹ کی رابطہ کمیٹی کے رکن اور یوکے کے آرگنائزرڈاکٹر سلیم دانش نے کہا ہے کہ ایم کیوایم ایک محب وطن جماعت ہے اوراس کوطاقت کے ذریعے کچلنے کی کوشش کرنااور اس کا میڈیا ٹرائل ملک کوعدم استحکام سے دوچارکرنے کے مترادف ہے ۔ حکومت اور قومی سلامتی کے ادارے ایم کیو ایم کو ختم کرنے کی بجائے عوام کے بنیادی مسائل کے حل کرنے کی طرف توجہ دیں۔یہ بات انہوں نے ایم کیوایم برطانیہ سائوتھ آل یونٹ کے زیر اہتمام دعوت افطار سے خطاب کرتے ہوئے کہی ۔ جس میں سائوتھ آل اور ہیزسے تعلق رکھنے والے برٹش پاکستانی کمیونٹی نے بڑی تعداد میں شرکت کی۔ڈاکٹر سلیم دانش نے کہا کہ ایم کیو ایم شہری سندھ کی ایک مسلّمہ حقیقتاور الطاف حسین کروڑوں عوام کے محبوب رہنما ہیں۔ایک عوامی جماعت کوطاقت کے ذریعے ختم کرنے کی روش نہ کل صحیح تھی نہ آج صحیح ہے لہٰذ ماضی سے سبق حاصل کرتے ہوئے ایم کیو ایم کے مینڈیٹ کو کھلے دل سے تسلیم کیاجائے۔غریب پاکستانی عوام پانی ، بجلی ، گیس اور روزگار جیسے بنیادی مسائل میں جکڑے ہوئے ہیں لیکن ان مسائل کو حل کرنے کی بجائے ساری توانیاں اور وسائل ایم کیو ایم کوکچلنے پر صرف کئے جارہے ہیں، من گھڑت میڈیا ٹرائل اور طاقت کے استعمال کے ذریعے دنیا کی کوئی طاقت عوام کے دلوں سے الطاف حسین کی محبت کو ختم نہیں کرسکتی۔ دعوت افطار سے خطاب کرتے ہوئے ایم کیو ایم کی سی ای سی کے رکن محمد شریف نے کہا کہ الزامات لگانے والے جواب دیں کہ جب قصبہ کالونی و علیگڑھ ، 30ستمبر سانحہ حیدرآباد، پکا قلعہ آپریشن او ر دیگر سانحات میں مہاجروں کا قتل عام کیا گیالیکن کسی ادارے نے مہاجروں کی جان و مال بچانے کے لئے اپنا کردار ادا نہیں کیا۔کئی سال گزرنے کے باوجود آج تک 15000 سے زائد مہاجروں کے قتل عام پر نہ تو کوئی عدالتی کمیشن بنایا گیا اور نہ ہی کوئی جے آئی ٹی تشکیل دی گئی۔آخر مہاجر کس سے داد رسی کی امید رکھیں اور کون ہمارے زخموں پر مرحم رکھے گا؟دعوت افطار سے ایم کیو ایم برطانیہ کے جوائنٹ انچارج سہیل خانزادہ اورجنرل سیکریٹری منظور احمد نے بھی خطاب کیا ۔ اس موقع پر اراکین آرگنائزنگ کمیٹی اور یونٹ کمیٹی ساؤتھ آل بھی موجود تھے۔ دریں اثناایم کیو ایم کے قائد الطاف حسین نے سنیئرصحافی اورمعروف تجزیہ نگارانصارعباسی کے بڑے بھائی اعجازاحمدعباسی کے انتقال پرگہرے رنج وغم کااظہارکیاہے۔ایک بیان میں الطاف حسین نے انصارعباسی سمیت مرحوم کے تمام سوگوارلواحقین سے دلی تعزیت وہمدردی کااظہارکرتے ہوئے انہیںصبرکی تلقین کی ۔اوردعاکی کہ اللہ تعالیٰ اعجازاحمدعباسی مرحوم کوجنت الفردوس میںاعلیٰ مقام عطافرمائے اورسوگوارلواحقین کویہ صدمہ برداشت کرنے کاحوصلہ دے ۔(آمین)۔علاوہ ازیں الطاف حسین کی جانب سے جنوبی پنجاب زون کے تحت حسن پروانہ کالونی آفس ایم کیوایم جنوبی پنجاب کے ذمہ داران،کارکنان ،معززین ِشہر اور مختلف شعبہ ہائے زندگی سے تعلق رکھنے والی شخصیات کے اعزازمیں افطارڈنرکااہتمام کیاگیاجس میںجنوبی پنجاب کے شہروںرحیم یارخان،بہاولنگر،بہاولپور، لودھراں، وہاڑی ،مظفرگڑھ، ڈیرہ غازی خان،راجن پور،لیہ اورخانیوال کے ذمہ داران وکارکنان اور مقامی شہریوںنے بڑی تعدادمیںشرکت کی۔میزبانی کے فرائضرکنرابطہ کمیٹی شبیراحمدقائمخانی، ارشادظفیر،فیصل فجاج،شمشادجعفری اورمرزافرقان مغل نے انجام دیئے ۔اس موقع پرحق پرست اراکین اسمبلی اوردیگرذمہ دارانہ بھی موجودتھے۔تقریب سے خطاب کرتے ہوئے شبیرقائمخانی نے کہاکہ کارکنان وعوام کومائنس الطاف حسین فارمولاکسی صورت قبول نہیں،نہ پہلے ایم کیوایم کوختم کیاجاسکااورنہ اب کیاجاسکتاہے۔الطاف حسین کے کارکنان کل بھی ثابت قدم تھے،آج بھی ثابت قدم ہیںاورانشاء اللہ کل بھی ثابت رہیںگے۔