کراچی.... رفیق مانگٹ......بھارتی اخبار ”ٹائمز آف انڈیا“ کے مطابق بھارتی فوج کودس ہزار ،بحریہ کو تقریباً دو ہزارافسران کی کمی کا سامنا ہے۔متبادل پر کشش کیئرئیر کے لئے بھارتی مسلح افواج کے افسران قبل ازوقت ریٹائرمنٹ لے رہے ہیں۔ بھارتی وزیر دفاع منوہر پریکر نےلوک سبھا میں اعتراف کیا ہے کہ فوج کو دس ہزار جب کہ بحریہ کواٹھارہ سو افسران کی کمی کا سامنا ہے ۔2012. کے بعد فوج سے 644 ،بحریہ سے343 جب کہ فضائیہ سے441 افسران نے قبل ازوقت ریٹائرمنٹ لے لی۔وزیر دفاع نے لوک سبھا میں ایک تحریری جواب دیتے ہوئے کہا کہ مسلح افواج میں کمی کی اہم وجوہات میں سے کچھ پر کشش متبادل کیریئر کی دستیابی ہے۔اس کے ساتھ سخت انتخاب کا معیار اور مشکل سروس کی شرائط ہیں۔ میڈیکل اور ڈینٹل شاخ کو چھوڑ کربحریہ میں1779جب کہ فوج میں 9642افسران کی پوسٹیں خالی ہیں۔انہوں تربیتی اہلکاروں کی تعداد بتاتے ہوئے کہا کہ فوج کے 45ہزار، بحریہ کے 10523اور فضائیہ کے11979اہلکار انڈر ٹریننگ ہیں۔حکومت 2012 کے بعد سے تربیت پر 2409 کروڑ روپے سے زائد خرچ کرچکی ہے۔انہوں نے کہا کہ بھارتی فضائیہ میں پائلٹوں کی دستیاب طاقت آپریشنل ضروریات کو پورا کرنے کے لئے کافی ہے۔