16 مارچ ، 2025 
شمالی مقدونیہ کے نائٹ کلب میں آتشزدگی، 59 افراد ہلاک اور 150 سے زائد زخمی ہوگئے
16 مارچ ، 2025
جنوب مشرقی یورپ کے ملک شمالی مقدونیہ کے نائٹ کلب میں آتشزدگی کے باعث 59 افراد ہلاک اور 150 سے زائد زخمی ہوگئے۔
غیر ملکی میڈیا کے مطابق شمالی مقدونیہ کے وزیر داخلہ نے پریس کانفرنس میں بتایا کہ آتشزدگی کا واقعہ دارالحکومت اسکوپیے سے 100 کلومیٹر دور کوچانی شہر میں واقعہ ایک نائٹ کلب میں کانسرٹ کے دوران پیش آیا۔
وزیر داخلہ کے مطابق نائٹ کلب میں جُھلس کر ہلاک ہونے والوں میں سے 35 افراد کی شناخت ہوگئی ہے، مرنے والوں میں سے بیشتر کا تعلق مقامی علاقوں سے ہے۔
وزیر داخلہ کا کہنا تھا کہ کچھ نوجوانوں نے آتشبازی کی جو چھت کو آگ لگانےکا سبب بنی۔
پولیس کا کہنا ہےکہ اس حوالے سے مزید تحقیقات کی جارہی ہیں، تحقیقات میں 4 افراد کے وارنٹ گرفتاری بھی جاری کیےگئے ہیں۔
شمالی مقدونیہ کے وزیر اعظم ہرسٹیجن میکوسکی نے واقعے پر شدید افسوس کا اظہار کرتے ہوئےکہا ہےکہ اتنی زیادہ نوجوان زندگیوں کا نقصان ناقابل تلافی ہے۔
مزید خبریں :
ٹرمپ نے امریکا میں 1798 کا ایلین اینیمیز ایکٹ نافذ کر دیا
16 مارچ ، 2025
امریکا نے جنوبی افریقہ کے سفیر کو ملک بدر کردیا
16 مارچ ، 2025
