30 جنوری ، 2012 
ملک کے زیادہ تر علاقوں میں موسم خشک اور سرد رہے گا
30 جنوری ، 2012
اسلام آباد… آئندہ 24 گھنٹوں کے دوران ملک کے زیادہ تر علاقوں میں موسم خشک اور سرد رہے گا، کالام منفی 15 ڈگری سینٹی گریڈ کے ساتھ سرد ترین مقام رہا۔ محکمہ موسمیات کے مطابق شمال مشرقی بلوچستان، بالائی خیبر پختونخوا، کشمیر اور گلگت بلتستان میں تاہم چند ایک مقامات پر بارش اور پہاڑوں پر برف باری کا امکان ہے، گزشتہ 24 گھنٹوں کے دوران ملک کے اکثر علاقوں میں موسم خشک اور سرد رہا، کالام ملک کا ورد ترین علاقے رہا۔ پارا چنار میں درجہ حرارت منفی 11، استور منفی 10، سکردو منفی 9، ہنزہ، گوپس منفی 7 اور گلگت میں منفی 5 ڈگری سینٹی گریڈ ریکارڈ کیا گیا۔ اسلام آباد میں 1، لاہور 3، کوئٹہ منفی 4، مظفر آباد 1، ملتان 5، کراچی 9، پشاور 4، گلگت منفی 5، مری منفی 1 اور فیصل آباد میں درجہ حرارت 2 ڈگری سینٹی گریڈ رہا۔
