پاکستان
07 اگست ، 2016
07 اگست ، 2016 
خواجہ اظہارکا مختلف علاقوں کا دورہ، شہر کی صورتحال کا جائزہ لیا
07 اگست ، 2016
سند ھ اسمبلی میں اپوزیشن لیڈر خواجہ اظہار الحسن نے بارش کے بعد شہر کی صورتحال کا جائزہ لینے کے لیے مختلف علاقوں کا دورہ کیا۔ انکا کہنا تھا کہ کراچی اور حیدر آباد پانی میں ڈوب رہاہے، کسی کو کوئی فکر نہیں۔
اپوزیشن لیڈر خواجہ اظہار الحسن، ارشد وہرا اور دیگر ممبر صوبائی اسمبلی نے ضلع غربی ،گلشن اقبال اور گجر نالے کا دورہ کیا۔ میڈیا سے گفتگو میں انکا کہنا تھا کہ وزیر بلدیات کراچی کے علاقوں کا صرف دورہ ہی کرتے ہیں، شہر میں صفائی ستھرائی کی صورتحال بہتر نہیں ہوسکی ہے۔
ان کا کہنا تھا کہ ضلع غربی کے لیے صرف ایک خاکروب مختص کیا گیاہے، وزیر اعلیٰ کو متعلقہ محکموں کو مزید ایکٹو کرنے کی ضرورت ہے تاکہ شہری کراچی کے موسم کو بھی انجوائے کرسکیں۔
