25 مئی ، 2025 
پاکستان
پاکستان ہمیشہ بھارت میں دہشتگردی کی مذمت کرتا ہے لیکن بھارت نے کبھی مذمت نہیں کی: وزیر اعلیٰ سندھ__فوٹو: فائل
افواج پاکستان کی شان ہیں، ہم انکی بدولت امن و سکون کی زندگی گزار رہے ہیں: مراد علی شاہ
25 مئی ، 2025
کراچی: وزیراعلیٰ سندھ مراد علی شاہ کا کہنا ہے کہ مسلح افواج پاکستان کی شان ہیں اور ہم افواج کی ہی بدولت امن و سکون کی زندگی گزار رہے ہیں۔
آرٹس کونسل میں تقریب سے خطاب کرتے ہوئے مراد علی شاہ نے کہا پاکستان ہمیشہ بھارت میں ہونے والی دہشت گردی کی مذمت کرتا ہے لیکن بھارت نے کبھی پاکستان میں دہشت گردی کی مذمت نہیں کی۔
وزیر اعلیٰ سندھ کا کہنا تھا کہ افواج پاکستان کی شان ہین، ہم اپنی افواج کی بدولت امن وسکون کی زندگی گزار رہے ہیں۔
انہوں نے مزید کہا کہ بھارت نے پاکستان میں معصوم شہریوں کو نشانہ بنایا لیکن پاکستان نے ان جگہوں کو ٹارگٹ کیا جہاں سے حملہ کیا گیا تھا، پاکستان نے بھارت کے رافیل گرا کر اس کا گھمنڈ توڑا۔
