25 مئی ، 2025 
پاکستان
فیلڈ مارشل نے اوورسیز کنونشن میں بھارت کو جو کہا تھا،سچ ثابت کیا: گورنر سندھ کامران ٹیسوری/ فائل فوٹو
فیلڈ مارشل عاصم منیر نے میلی آنکھ سے دیکھنے والے بھارت کی آنکھیں نکال دیں: گورنر سندھ
25 مئی ، 2025
گورنر سندھ کامران ٹیسوری کا کہنا ہے کہ آرمی چیف جنرل عاصم منیر کے فیلڈمارشل بننے سے بھارت کی شکست پر مہر لگ گئی۔
اپنے بیان میں کامران ٹیسوری نے کہا کہ فیلڈ مارشل نے اوورسیز کنونشن میں بھارت کو جو کہا تھا وہ سچ ثابت کر کے دکھایا، فیلڈ مارشل نے میلی آنکھ سے دیکھنے والے بھارت کی آنکھیں نکال دیں۔
انہوں نے کہا کہ فیلڈمارشل نے پاکستان کو ترقی یافتہ ممالک جیسا دفاع فراہم کیا، فیلڈمارشل کی قیادت میں ایس آئی ایف سی ملک کو معاشی طورپر مضبوط کرے گا۔
گورنر سندھ کامران ٹیسوری نے مزید کہا کہ جنرل عاصم منیر کے فیلڈ مارشل بننے سے بھارت کی شکست پر مہر لگ گئی ہے۔
