05 اکتوبر ، 2016 
بھارت سی پیک کا بدلہ کشمیریوں سے لے رہا ہے،مشال ملک
05 اکتوبر ، 2016
کشمیری حریت رہنما یاسین ملک کی اہلیہ مشال ملک کا کہنا ہےکہ بھارت سی پیک کی وجہ سے بوکھلاہٹ کا شکار ہے اور اس کا بدلہ بےگناہ کشمیریوں پر ظلم ڈھا کر لے رہا ہے ۔
پنجاب یونیورسٹی میں پاک بھارت تعلقات اور مقبوضہ کشمیر پر سیمینار سے خطاب میں مشال ملک نے کہا کہ بھارتی حکومت کشمیریوں پر مظالم سے توجہ ہٹانے کےلیے اوچھے ہتھکنڈے استعمال کررہی ہے،۔
انہوں نے کہا کہ کرفیو کی وجہ سے لوگ گھروں میں قید ہیں،اسکولوں اور کالجوں کوبند کر دیا گیا ہے ،برہان وانی کی شہادت کے بعد ہزاروں افراد کو گرفتار کر لیا گیا ،کئی خواتین یہ نہیں جانتیں ان کے شوہرزندہ بھی ہیں یا نہیں۔
مشال ملک کا کہنا تھا کہ کشمیرکی آزادی تک یہ جہدوجہد جاری رہےگی ،کشمیر کی آزادی کے لیے اساتذہ اور طلباءاپنے قلم کی طاقت کو استعمال کریں۔
مزید خبریں :
