کراچی… ٹیلی وژن کے ممتاز کمپئریئر، ادیب،ماہر لسانیات عبید اللہ بیگ کراچی میں انتقال کر گئے ۔ ان کی نمازہ جنازہ آج بعد نمازجمعہ ادا کی جائے گی۔ ٹیلی وژن کے مشہور پروگرام کسوٹی سے شہرت حاصل کرنے والے عبید اللہ بیگ،دانشور بھی تھے ،ادیب تھے ،کالم نگار اور میڈیا ماہر تھے۔ عبیداللہ بیگ کو 2008 میں پرائیڈ آف پرفارمنس سے نوازا گیا تھا۔بھارت کی ریاست رامپور سے پاکستان ہجرت کر نے والے عبید اللہ بیگ نے کراچی میں زندگی گذاری ،،کتاب سے محبت اور مختلف زبان سیکھنے کا شوق ان کی پہچان بنا ،وہ کچھ ایسی زبانیں بھی جانتے تھے ،جو اب متروک ہوتی جارہی ہیں۔ انکی شہرت ٹیلی وژن کے مشہور پروگرام کسوٹی سے ہوئی ،جس میں ایک شخص کا سوال بوجھنا ہوتا تھا۔ اس پروگرام میں ملک کے ممتاز شاعر اور دانشور ان کے ساتھ ہوتے تھے۔ ماضی کی کھوج ان کا خاص شوق تھا ،اس لئے تاریخ اور ادب پر ان کی گہری نظر تھی۔ ماحولیات کے بارے میں ان کی تیار کردہ لغت ان کا اہم کام تھا۔ انہوں نے ماحول کے بارے میں ایک رسالے ادارت کی اورماحول سے آگہی کے لئے مضامین تحریر کئے۔ انکی بیگم سلمیٰ بیگ بھی ٹیلی وژن کی مقبول رہیں۔