<p> </p> <p>شاعرِ مشرق ،حکیم الامت ڈاکٹر علامہ محمداقبال کا 139واں یوم پیدائش ملک بھر میں بھرپورعقیدت وحترام کے ساتھ منایا جا رہا ہے۔</p> <p>عظیم فلسفی شاعرعلامہ محمداقبال کےیومِ پیدائش کےموقع پرآپ کے مزار پرصبح کاآغاز گارڈز کی تبدیلی کی پُروقارتقریب سے ہوا، پنجاب رینجرز کی جگہ نیوی کےچاک و چوبند دستےنے گارڈز کے فرائض سنبھالےاور سلامی دی۔</p> <p>گورنرپنجاب ملک محمد رفیق رجوانہ،کموڈور ایس ایم شہزاد،ڈی جی رینجرز پنجاب میجر جنرل عمر فاروق برکی اورگیریژن کمانڈر میجر جنرل طارق امان کی بھی مزار اقبال پرالگ الگ حاضری،پھول چڑھائے ، فاتحہ خوانی کی اور مہمانوں کی کتاب میں تاثرات درج کئے۔</p> <p>وزیراعلیٰ محمد شہباز شریف اورصوبائی وزیر میاں مجتبیٰ شجاع الرحمٰن نے بھی مزاراقبال پرحاضری دی،فاتحہ خوانی کی اور عقیدتوں کےنذرانےپیش کیے۔</p> <p>میڈیاسےگفتگو میں شہبازشریف کاکہناتھاکہ لاک ڈاؤن غیرقانونی عمل تھا، دھرنے والوں کا اللہ نے ڈھرن تختہ کردیا ۔</p> <p>وزیراعلیٰ پنجاب کاکہناتھاکہ قوم کلامِ اقبالؒ سےرہنمائی لیتی تو آج عظیم قوم بن چکی ہوتی۔</p>