17 اپریل ، 2017
سندھ اسمبلی میں قائد حزب اختلاف خواجہ اظہار الحسن نے ایک بار پھر صوبائی حکومت پر تابرتوڑ حملے کئے ،ان کا کہناتھاکہ پوری سندھ سرکار ضمانتوں اور اسٹے پر چل رہی ہے ۔
سندھ اسمبلی کے باہر میڈیا سے گفتگو میں خواجہ اظہار الحسن نے کہا کہ سکھر اور سیہون میں پانی نہیں آرہا ہےجبکہ وزیراعلیٰ کراچی کے فرینڈلی میچ کے کپتان بنے رہتے ہیں،ان کا گیس کی بندش سے متعلق بیان مناسب نہیں۔
ان کا کہناتھاکہ رینجرز اختیارات کی ضرورت پورے صوبے میں ہے ، پولیس اور آئی جی سندھ کو ہر بار متنازع بنایاجاتاہے۔