12 جولائی ، 2012 
قومی خزانے کو نقصان:سندھ ہائیکورٹ نے ملزمان کی ضمانت منظور کرلی
12 جولائی ، 2012
کراچی …سندھ ہائی کورٹ نے قومی خزانے کو ساڑھے پانچ ارب روپے کا نقصان پہنچانے کے نیب ریفرنس میں نجی کمپنی کے سابق ڈائریکٹرز کی پچیس پچیس لاکھ روپے کی ضمانت منظور کرلی۔ جسٹس حسن اظہررضوی کی سربراہی میں دو رکنی بنچ نے نجی کمپنی کے ڈائریکٹرز حسن جمیل انصاری اور احمد جمیل انصاری کے وکلاء کے دلائل سنے۔ملزمان کے وکلاء فیصل صدیقی ، حفیظ لاکھو اور شوکت حیات نے عدالت میں دلائل دیتے ہوئے موقف اختیار کیا کہ ان کے موکل حسن جمیل انصاری اس معاملے سے پہلے ہی استعفیٰ دے چکے تھے جبکہ نیب ریفرنس میں کہیں ان کا نام بھی درج نہیں ،دیگر میں شامل کرکے نشانہ بنایا جارہا ہے۔عدالت نے دلائل سننے کے بعد ملزمان حسن جمیل انصاری اور احمد جمیل انصاری کی 25 ، 25 لاکھ روپے کی ضمانت منظور کرلی۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
5 گھنٹے پہلے
عید کے تیسرے روز بھی کراچی کا موسم گرم رہنے کا امکان
7 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
8 گھنٹے پہلے
