27 دسمبر ، 2017 
فیصل آباد: 18 سالہ لڑکی زیادتی کا نشانہ، 3 ملزمان کیخلاف مقدمہ درج
27 دسمبر ، 2017
فیصل آباد میں پسند کی شادی کرنے والے لڑکی کو باعزت رخصتی کا جھانسہ دے کر محبوس رکھنے اور زیادتی کا نشانہ بنانے کے الزام میں پنچایت کے تین افراد کے خلاف مقدمہ درج کر لیا گیا۔
فیصل اباد کی تحصیل تاندلیانوالہ کی رہائشی 18 سالہ لڑکی نے پریس کانفرنس میں الزام عائد کیا تھا کہ انہوں نے اپنی پسند سے شادی کی تھی تاہم ان کے والد پنچائیت کے ذریعے انہیں واپس لے آئے۔
انہوں نے بتایا کہ پنچائیت کے اراکین نے ان کے سسر کو اسکی باعزت رخصتی کا وعدہ کر کے بجھوا دیا اور بعدازاں انہیں قید کر لیا گیا۔
لڑکی نے بتایا ہ قید کے دوران تین افراد انہیں زیادتی کا نشانہ بناتے رہے جہاں سے وہ فرار ہو کر اپنے گھر پہنچی۔
متاثرہ لڑکی کی پریس کانفرنس پر سی پی او فیصل آباد اطہر اسماعیل نے نوٹس لیتے ہوئے ملزمان کے خلاف مقدمہ درج کر کے انہیں فوری طور پر گرفتار کرنے کا حکم دیا۔
اس پر ملزمان کے خلاف مقدمہ درج کر کے ایک ملزم کو گرفتار کر لیا گیا ہے جبکہ باقی دو ملزمان کی گرفتاری کے لیے چھاپےمارے جا رہے ہیں۔
